Barabanki incident: ఉత్తర్ ప్రదేశ్ లో ఆశ్చర్యకరమైన ఘటన వెలుగులోకి వచ్చింది. ప్రధాన మంత్రి ఆవాస్ యోజన మొదటి విడత డబ్బులు పడగానే, భర్తలను వదిలేసి ప్రియులతో పరారయ్యారు భార్యలు. ఈ ఘటన ఉత్తర్ ప్రదేశ్ లోని బారాబంకీ జిల్లాలో చోటు చేసుకుంది. ప్రస్తుతం తమ భార్యలకు రెండో విడత డబ్బులు నిలిపివేయాలని సంబంధిత అధికారులను భర్తలు వేడుకుంటున్నారు. ప్రధాన మంత్రి ఆవాస్ యోజన కింద కేంద్ర ప్రభుత్వం ఇళ్లు లేని వారికి రూ. 3 లక్షలను అందిస్తోంది. బారాబంకీలో 40 మంది లబ్ధిదారులను గుర్తించి ఆర్థిక సాయం చేశారు.
Read Also: Chinese Spy Balloons: అమెరికాతో పాటు ఇండియాపై బెలూన్తో నిఘా పెట్టిన చైనా..
ఇదిలా ఉంటే మొదటి విడత డబ్బులు చెల్లించి ఏడాది గడిచినా.. ఇంకా ఇళ్లు నిర్మాణ పనులు మొదలుకాకపోవడంతో అధికారులు భర్తలకు నోటీసులు జారీ చేశారు. దీంతో అసలు విషయం వెలుగులోకి వచ్చింది. రూ. 50,000 బ్యాంకు అకౌంట్లలో పడగానే వాటిని పట్టుకుని తమ భార్యలు ప్రియులతో ఉడాయించారని చెప్పారు. రెండో విడత డబ్బులు వేయొద్దని అధికారులను భర్తలు కోరారు.
జిల్లాలోని బెల్హారా, బంకీ, బంకి, జైద్పూర్, సిద్దౌర్కు నలుగురు మహిళా లబ్ధిదారులు మొదటి విడత రూ.50 వేలు ఇచ్చినా.. ఇళ్ల నిర్మాణం మొదలు కాలేదు. దీంతో ప్రాజెక్ట్ పీఓ సౌరభ్ త్రిపాఠి వారికి నోటీసులు జారీ చేశారు. మంగళవారం ప్రభుత్వకార్యాలయానికి వచ్చిన భర్తలు తమ భార్యలు వారి లవర్స్ తో లేచిపోయారని తెప్పారు. వారికి 15 రోజుల సమయంల ఇచ్చామని.. ఆ తరువాత నిర్మాణ ప్రారంభం కాకపోతే రికవరీ నోటీసు జారీ చేస్తామని పీఓ త్రిపాఠి వెల్లడించారు.
