Tamil Nadu: అన్నాడీఎంకేకు మద్దతు ఇవ్వాలని డీఎంకే చెప్పింది.. లెఫ్ట్ పార్టీల సంచలన వ్యాఖ్యలు..

Tamil Nadu: తమిళనాడులో విజయ్‌కు చెందిన టీవీకే పార్టీ అధికారంలోకి రాబోతోంది. విజయ్ సీఎంగా ప్రమాణస్వీకారం చేసేందుకు రూట్ క్లియర్ అయింది. లెఫ్ట్ పార్టీలు, వీసీకేలు విజయ్‌కి తమ మద్దతు ప్రకటించాయి. కాంగ్రెస్, లెఫ్ట్, వీసీకే మద్దతుతో మ్యాజిక్ ఫిగర్ 118 సాధించారు. దీంతో విజయ్ ప్రభుత్వం తమిళనాడులో కొలువుదీరబోతోంది.

Read Also: Pakistan: ‘‘భారత సైన్యం ఎందుకు ఇంగ్లీష్‌లో మాట్లాడుతుంది.?’’.. పాక్ ఆర్మీ ప్రశ్నపై ట్రోల్స్..

ఇదిలా ఉంటే, ఈ రాజకీయ పరిణామాల సమయంలో సీపీఎం సంచలన వ్యాఖ్యలు చేసింది. తాము డీఎంకేను వీడి, విజయ్‌కు ఎందుకు మద్దతు ఇచ్చామనే విషయాన్ని సీపీఎం నేత ఎంఏ బేబీ వివరించాయి. ఇదే సమయంలో విజయ్‌కు గట్టి సందేశాన్ని కూడా ఇచ్చారు. అధికార సమీకరణాల నుంచి బీజేపీని దూరంగా ఉంచాలని, అన్నాడీఎంకేకు మద్దతు ఇవ్వాలన్న డీఎంకే ప్రతిపాదనను తాము వ్యతిరేకించడానికే టీవీకేకు మద్దతు ఇచ్చినట్లు లెఫ్ట్ పార్టీలు ప్రకటించాయి. వామపక్ష పార్టీలు అన్నాడీఎంకేకు మద్దతు ఇవ్వాలని డీఎంకే కోరుకుంటోందని ఎంఏ బేబీ శుక్రవారం అన్నారు.

ఇదే సమయంలో డీఎంకేతో వామపక్ష పార్టీల సైద్ధాంతిక రాజకీయ సంబంధం కొనసాగుతుందని వామపక్షాలు స్పష్టం చేశాయి. టీవీకే ప్రభుత్వానికి బయట నుంచి మద్దతు ఇస్తామని, ప్రభుత్వంలో ఎలాంటి మంత్రి పదవులు గానీ, క్యాబినెట్ పదవులు కానీ అడగబోమని బేబీ స్పష్టం చేశారు. ఇదే సమయంలో సీపీఐ నాయకుడు వీరపాండియన్ మాట్లాడుతూ.. తమిళనాడులో బీజేపీని అడ్డుకోవడానికే లెఫ్ట్ పార్టీలు విజయ్‌కి మద్దతు ఇచ్చాయని, భవిష్యత్తులో విజయ్ బీజేపీకి దగ్గరైతే సీపీఐ దానిని వ్యతిరేకిస్తుందని స్పష్టం చేశారు.