దేశ రాజధాని ఢిల్లీలో అసెంబ్లీ ఎన్నికల ప్రచారం చివరి దశకు చేరుకుంది. మరో మూడు రోజుల్లో ఎన్నికల ప్రచారం ముగియనుంది. దీంతో అన్ని పార్టీలు ప్రచారాన్ని హోరెత్తిస్తున్నాయి. ప్రధాన పార్టీలు ఒకరిపై ఒకరు దుమ్మెత్తిపోసుకుంటున్నాయి. నిన్నటి దాకా యమునా నీళ్లపై ఆప్, బీజేపీ మధ్య మాటల యుద్ధం నడిచింది. తాజాగా రాజ్యసభ సభ్యురాలు స్వాతి మాలివాల్ ‘చెత్త’ రాజకీయానికి తెరలేపారు. వికాస్‌పురిలో ఉన్న చెత్తను మూడు ట్రక్కుల్లో నింపి.. ఫిరోజ్‌షా రోడ్‌లో ఉన్న మాజీ ముఖ్యమంత్రి, ఆప్ అధినేత కేజ్రీవాల్ ఇంటి ముందు వేసి నిరసన తెలిపింది. తన సహచర బృందంతో ఈ కార్యక్రమానికి పూనుకుంది. దీంతో రంగంలోకి దిగిన పోలీసులు.. స్వాతి మాలివాల్‌ను అదుపులోకి తీసుకుని.. పోలీస్ స్టేషన్‌కు తరలించారు.
ఇది కూడా చదవండి: Rag Mayur: ఒకే రోజు విలన్‌గా, హీరోగా.. స్టేట్ టాపర్ టు లీడ్ యాక్టర్: రాగ్ మయూర్ ఇంటర్వ్యూ
ఇందుకు సంబంధించిన ఫొటోలను స్వాతి మాలివాల్ ఎక్స్ ట్విట్టర్‌లో పోస్టు చేసింది. ‘‘వికాస్‌పురిలో రోడ్లపై ఏళ్ల తరబడి చెత్త కుప్పలు కుప్పలుగా ఉన్నాయి.. ప్రజలు తీవ్ర ఆగ్రహంతో ఉన్నారు.. ఈ చెత్తనంతా సేకరించి కేజ్రీవాల్ ఇంటి దగ్గర వేయబోతున్నారు’’ అని ఆమె పోస్ట్‌లో రాశారు. ‘‘మొత్తం ఢిల్లీ పరిస్థితి క్షీణించింది. ఢిల్లీ వాసులు రోజూ ఎదుర్కొనే అపరిశుభ్రత మరియు దుర్వాసన ఈ రోజు కేజ్రీవాల్‌కి ఎదురవుతాయి … ప్రజలు వస్తున్నారు, కేజ్రీవాల్.. భయపడవద్దు.’’ అంటూ పేర్కొన్నారు.
ఇది కూడా చదవండి: Union Budget 2025: నిర్మలమ్మ బడ్జెట్‌లో ఈ రాష్ట్రాలకు తాయిలాలు ఉండే ఛాన్స్!
శాంతిభద్రతలకు విఘాతం కలిగిస్తే ఊరుకునేది లేదని సీనియర్ పోలీసు అధికారి తెలిపారు. చట్టాన్ని ఉల్లంఘించే వారిని అనుమతించబోమన్నారు. ఇదిలా ఉంటే గతేడాది మే నెలలో కేజ్రీవాల్‌ను కలిసేందుకు స్వాతి మాలివాల్ ఇంటికి వెళ్లినప్పుడు.. ఆమెపై కేజ్రీవాల్ వ్యక్తిగత కార్యదర్శి దారుణంగా దాడి చేశాడు. రుతుక్రమంలో ఉన్నానని చెప్పినా.. కనికరం లేకుండా దాడి చేయడంతో తీవ్రంగా గాయపడింది. అప్పటి నుంచి విభేదాలు తలెత్తాయి. అంతేకాకుండా ఆప్ రాజ్యసభ సభ్యురాలిగా కూడా కొనసాగుతోంది.
ఢిల్లీలో మొత్తం 70 అసెంబ్లీ స్థానాలు ఉన్నాయి. ఫిబ్రవరి 5న ఎన్నికల పోలింగ్ జరగనుంది. ఎన్నికల ఫలితాలు మాత్రం ఫిబ్రవరి 8న విడుదల కానున్నాయి. ఆప్, బీజేపీ, కాంగ్రెస్ మధ్య పోటీ నెలకొంది.
ये सारा कूड़ा अभी केजरीवाल जी के घर फेंकने जा रही हूँ… pic.twitter.com/y92RqVy116
— Swati Maliwal (@SwatiJaiHind) January 30, 2025