Russia: భారత్, ఇతర దేశాలు రష్యా చమురు కొనుగోలు చేయకుండా నిరోధించడానికి అమెరికా ప్రయత్నిస్తోందని రష్యా తీవ్రంగా విమర్శిస్తోంది. ఆర్థిక ఆధిపత్యాన్ని సాధించడానికి సుంకాలు, ఆంక్షలు, నిషేధాల వంటి బలవంతపు చర్యలను ట్రంప్ ప్రయోగిస్తున్నాడని రష్యా విదేశాంగ మంత్రి సెర్గీ లావ్రోవ్ ఆరోపించారు. టీవీ బ్రిక్స్తో మాట్లాడుతూ.. గతేడాది ట్రంప్, పుతిన్ మధ్య అలస్కాలో చర్చల సందర్భంగా ఉక్రెయిన్పై అమెరికా ప్రతిపాదనను తాము అంగీకరించినప్పటికీ, మళ్లీ మాపై ఆంక్షలు విధిస్తున్నారని మండిపడ్డారు. ఇతర దేశాలు రష్యా చమురు కొనుగోలు చేయకుండా నిషేధిస్తున్నాయని అన్నారు.
Read Also: Hawala Money : హైదరాబాద్లో హవాలా నెట్వర్క్ గుట్టురట్టు.. ఢిల్లీ కేంద్రంగా సాగుతున్న భారీ దందా..
అమెరికా యూఎన్ కన్వెన్షన్ను ఉల్లంఘిస్తూ సముద్రంలో ట్యాంకర్లపై యుద్ధం చేస్తోందని, వారు భారత్, ఇతర మా భాగస్వాములు చౌకగా, సరసమైన రష్యన్ ఇంధన వనరుల్ని కొనుగోలు చేయకుండా నిరోధిస్తున్నారని, యూఎస్ ఎల్ఎన్జీని అధిక ధరలకు కొనుగోలు చేయాలని ఒత్తిడి చేస్తున్నారని లావ్రోవ్ అన్నారు. భారత్, అమెరికాల మధ్య వాణిజ్య ఒప్పందం కుదిరిన తర్వాత రష్యా నుంచి ఈ ప్రకటన వచ్చింది. అయితే, తమ జాతీయ ప్రయోజనాలను పరిగణలోకి తీసుకుని ఇంధన నిర్ణయం తీసుకుంటామని భారత్ పలుమార్లు చెప్పింది.