Modi-Instagram: వైరల్ వీడియోతో ప్రధాని మోడీకి భారీ క్రేజ్.. ఒక్క రాత్రిలోనే సరికొత్త చరిత్ర

ప్రధాని మోడీకి సోషల్ మీడియాలో ఎంత క్రేజ్ ఉందో అందరికీ తెలిసిందే. ప్రపంచ నాయకుల్లో మోడీ మొదటి స్థానంలో ఉంటారు. అంతగా మోడీకి ఫాలోయింగ్ ఉంది. ఇప్పటికే యూట్యూబ్, ఇన్‌స్టాగ్రామ్‌లో కోట్లాది మంది ఫాలోవర్లు ఉన్నారు. తాజాగా మరోసారి సరికొత్త రికార్డ్ సృష్టించారు. ప్రస్తుతం దేశ రాజధాని ఢిల్లీ వేదికగా విద్యార్థులు ఆందోళన చేస్తున్నారు. నీట్ పేపర్ లీకేజ్‌పై పెద్ద ఎత్తున నిరసనలు తెలుపుతున్నారు. ఈ నేపథ్యంలో గురువారం అర్ధరాత్రి దేశ ప్రజలకు.. నిరసనకారులకు ప్రధాని మోడీ కీలక విజ్ఞప్తి చేశారు. నీట్ నిందితులను కఠినంగా శిక్షిస్తామంటూ హామీ ఇచ్చారు. ఈ వీడియోతో మరోసారి తన ప్రజాదరణను చాటుకున్నారు. ఇన్‌స్టాగ్రామ్‌లో షేర్ చేసిన వీడియో విపరీతంగా వైరల్ కావడంతో ఒక్క రాత్రిలోనే దాదాపు 10 లక్షల మంది కొత్త ఫాలోవర్లు ఖాతాను ఫాలో అయ్యారు. దీంతో మరోసారి సరికొత్త చరిత్ర సృష్టించారు.

మోడీ పోస్ట్ చేసిన వీడియోకు లక్షలాది మంది లైక్‌లు, షేర్లు, కామెంట్లు రావడంతో సోషల్ మీడియాలో ట్రెండింగ్‌గా మారింది. వీడియో వైరల్ కావడంతో ఇన్‌స్టాగ్రామ్ ఖాతాకు భారీ స్థాయిలో కొత్త ఫాలోవర్లు చేరినట్లు సోషల్ మీడియా విశ్లేషణలు సూచిస్తున్నాయి. ప్రస్తుతం మోడీ ప్రపంచంలోనే అత్యధిక ఫాలోవర్లు కలిగిన రాజకీయ నాయకుల్లో ఒకరిగా కొనసాగుతున్నారు. ఇన్‌స్టాగ్రామ్, ఎక్స్ (ట్విటర్), ఫేస్‌బుక్ వంటి వేదికల ద్వారా ప్రజలతో నేరుగా మమేకమవుతూ కీలక కార్యక్రమాలు, ప్రభుత్వ నిర్ణయాలు, వ్యక్తిగత క్షణాలను పంచుకుంటుంటారు. తాజా వీడియో వైరల్ కావడంతో దేశ విదేశాల్లోని అభిమానులు పెద్ద ఎత్తున స్పందించారు. దీంతో మోడీ ఇన్‌స్టాగ్రామ్ ఖాతాకు ఒక్క రాత్రిలోనే సుమారు 10 లక్షల మంది కొత్త ఫాలోవర్లు చేరడం విశేషంగా మారింది. సోషల్ మీడియాలో ఈ విషయం ప్రస్తుతం చర్చనీయాంశంగా మారింది.

దేశవ్యాప్తంగా సంచలనం సృష్టిస్తున్న నీట్ పేపర్ లీకేజీ వ్యవహారంపై ప్రధాని నరేంద్ర మోదీ సెల్ఫీ వీడియో.#NarendraModi #NEETPaperLeak #JantarMantar #SonamWangchuk #GenZWithBharat #NTVTelugu pic.twitter.com/Hu25dGd7iE

— NTV Telugu (@NtvTeluguLive) July 24, 2026