‘Nothing ever should make us ungrateful’, Akshay Kumar reacts to Richa Chadha’s Galwan tweet: బాలీవుడ్ నటి రిచా చద్దా ‘గల్వాన్’ ట్వీట్ దేశవ్యాప్తంగా ఆమెపై విమర్శలకు కారణం అయింది. ‘ గాల్వాన్ సేస్ హాయ్’ అంటూ ఆమె చేసిన ట్వీట్ పై దేశవ్యాప్తంగా నెటిజన్లు తీవ్రంగా విమర్శలు చేశారు. ఆమెపై తెగ ట్రోలింగ్ చేశారు. చివరకు ఆమె క్షమాపలు చెప్పింది. అయితే ఈ వివాదంపై బాలీవుడ్ స్టార్ హీరో అక్షయ్ కుమార్ స్పందించారు. ఆమె తీరును తప్పు పట్టారు. ఆమె చేసిన పని నన్ను గాయపరిచిందని అన్నారు. భారత రక్షణ బలగాలకు మద్దతుగా వ్యాఖ్యానించారు.
Read Also: World’s Oldest Cat: 26 ఏళ్ల ఫ్లాస్సీ.. ప్రపంచంలోనే అత్యంత వృద్ధ పిల్లిగా రికార్డు
‘‘ఇది చూస్తుంటే చాలా బాధగా ఉంది.. ఏదీ కూడా మనల్ని మన సాయుధ బలగాల పట్ల కృతజ్ఞత భావం లేనిదిగా చూపకూడదని.. వారు ఉన్నారు కాబట్టే మనం ఉన్నాం’’ అంటూ ట్వీట్ చేశారు. ‘ గాల్వాన్ సేస్ హాయ్’ అంటూ రిచా చద్దా భారత సైన్యాన్ని ఎగతాళి చేసే విధంగా ట్వీట్ చేసింది. ఈ ట్వీట్ పై ప్రజలు ఆమెను తీవ్రంగా విమర్శించారు. పాక్ ఆక్రమిత కాశ్మీర్ను వెనక్కి తీసుకోవడం వంటి ఆదేశాలను అమలు చేయడానికి భారత సైన్యం సిద్ధంగా ఉందని, భారత ప్రభుత్వం ఆదేశిస్తే అలాగే చేస్తాం అంటూ ఇటీవల లెఫ్టినెంట్ జనరల్ ఉపేంద్ర ద్వివేదీ ప్రకటించారు. దీనికి సంబంధించిన ట్వీట్ ను రీషేర్ చేస్తూ ఆమె ఈ వ్యాఖ్యలు చేశారు.
2020లో జరిగిన ఇండియా, చైనా మధ్య గల్వాన్ వ్యాలీలో ఘర్షణలు జరిగాయి. ఈ ఘర్షణల్లో భారత సైనికులు చనిపోయారు. భారత సైన్యానికి కన్నా ఎక్కువ సంఖ్యలోనే చైనా బలగాలను మట్టుపెట్టింది మన ఆర్మీ. అయితే చైనా అధికారంగా వివరాలను వెల్లడించలేదు. జవాన్ల త్యాగాలను తక్కువ చేసి మాట్లాడినందుకు నెటిజెన్లు రిచా చద్దాపై విమర్శలు చేశారు. దీంతో ఆమె క్షమాపణలు చెప్పింది. ‘‘ ఇది నా ఉద్దేశం కాదని.. ఎవరినైనా నొప్పించి ఉంటే క్షమాపణలు కోరుతున్నానని, సైన్యంలో నా సోదరులు విశిష్టమైన పాత్ర పోషిస్తున్నారు’’ అంటూ క్షమాపణలు కోరింది.
Hurts to see this. Nothing ever should make us ungrateful towards our armed forces. Woh hain toh aaj hum hain. 🙏 pic.twitter.com/inCm392hIH
— Jolly Mishra – Asli Jolly from Kanpur (@akshaykumar) November 24, 2022
