Narendra Modi : 12 ఏళ్ల పాలనపై కేంద్ర కేబినెట్ ప్రత్యేక తీర్మానం
- 4,399 రోజులు పూర్తి.. ఎన్నికైన ప్రధానిగా మోడీ కొత్త చరిత్ర
- 12 ఏళ్ల పాలనపై కేంద్ర కేబినెట్ ప్రత్యేక తీర్మానం
- పేదల సంక్షేమం నుంచి చంద్రయాన్ వరకు విజయాల ప్రస్తావన
- ‘వికసిత్ భారత్ 2047’ లక్ష్యంపై కేబినెట్ పూర్తి విశ్వాసం
- Follow Us :
-
-
Add as a preferred
source on google
Narendra Modi : భారతదేశ రాజకీయ చరిత్రలో ప్రధానమంత్రి నరేంద్ర మోడీ ఒక అరుదైన చారిత్రాత్మక మైలురాయిని అధిగమించారు. దేశంలో అత్యధిక కాలం పాటు నిరంతరాయంగా సేవలు అందించిన ‘ఎన్నికైన’ ప్రధానమంత్రిగా ఆయన సరికొత్త రికార్డు సృష్టించారు. ప్రధానిగా 4,399 రోజులు పూర్తి చేసుకున్న నరేంద్ర మోడీ, దేశ తొలి ప్రధాని జవహర్లాల్ నెహ్రూ పేరిట ఉన్న సుదీర్ఘ కాల పరిమితి రికార్డును దాటేశారు. మోడీ నాయకత్వంలోని ఎన్డీఏ ప్రభుత్వం విజయవంతంగా 12 ఏళ్లు పూర్తి చేసుకున్న ఈ సందర్భాన్ని పురస్కరించుకుని కేంద్ర మంత్రివర్గం (కేబినెట్) ప్రత్యేకంగా సమావేశమై ప్రధానికి ఘనంగా అభినందనలు తెలిపింది. దేశ ప్రజలు ఆయనపై ఉంచిన అపారమైన విశ్వాసానికి, ఆశీర్వాదాలకే ఈ ఘనత నిదర్శనమని కేబినెట్ కొనియాడింది. తనను తాను “ప్రధాన సేవక్”గా భావిస్తూ దేశ సేవకే అంకితమైన మోడీ నాయకత్వంలో భారతదేశం సరికొత్త పుంతలు తొక్కిందని కేంద్ర మంత్రులు ప్రశంసించారు.
గడిచిన 12 ఏళ్ల పాలనలో పేదల సంక్షేమాన్నే కేంద్రబిందువుగా చేసుకుని మోడీ ప్రభుత్వం ముందుకు సాగిందని కేంద్ర కేబినెట్ ఈ సందర్భంగా గుర్తుచేసింది. దేశంలోని కోట్లాది మంది పేదలకు పక్కా ఇళ్లు, విద్యుత్, గ్యాస్, తాగునీరు, మరుగుదొడ్ల సౌకర్యాలను కల్పించడమే కాకుండా 80 కోట్ల మందికి ఉచిత రేషన్, 60 కోట్ల మందికి ఆరోగ్య భద్రతను కల్పించినట్లు పేర్కొంది. ఫలితంగానే దేశంలో 25 కోట్ల మందికి పైగా ప్రజలు పేదరికం నుంచి బయటపడే అవకాశం లభించిందని తెలిపింది. వీటితో పాటు యువత, స్టార్టప్లు, డిజిటల్ ఆర్థిక వ్యవస్థకు ప్రభుత్వం అపూర్వమైన ప్రోత్సాహాన్ని అందించిందని, చంద్రయాన్ విజయంతో భారత శాస్త్ర సాంకేతిక సామర్థ్యం ప్రపంచ వేదికపై మెరిసిందని కేబినెట్ కొనియాడింది. మహిళా సాధికారతకు ప్రత్యేక ప్రాధాన్యత ఇస్తూనే, రైతుల సంక్షేమం కోసం పీఎం కిసాన్ నిధి, మద్దతు ధరల పెంపు, సాగునీటి ప్రాజెక్టులకు మోడీ ప్రభుత్వం ఎంతో ఊతాన్ని ఇచ్చిందని స్పష్టం చేసింది.
Also Read
- Yuzvendra Chahal: రాజకీయాల్లోకి అడుగుపెట్టిన భారత క్రికెటర్ యుజ్వేంద్ర చాహల్.. కీలక బాధ్యతలు అప్పగింత..
- PM Modi: నా మాట విని బంగారం కొనడం తగ్గించారు.. ఇప్పుడు లాభపడ్డారు..
- Delhi Municipal: బహిరంగ ప్రదేశాల్లో చెత్త కాల్చితే రూ.10 వేల ఫైన్.. ఢిల్లీలో కొత్త నిబంధనలు..
- Sanjay Raut: నాగ్పూర్ పేరును దీక్షాభూమిగా మార్చాలి.. ఉద్ధవ్ టీమ్ సంచలన డిమాండ్
దేశ భద్రత, ఆర్థిక సంస్కరణల విషయంలో మోడీ ప్రభుత్వం తీసుకున్న నిర్ణయాలు విప్లవాత్మకమైనవని కేంద్ర కేబినెట్ అభిప్రాయపడింది. ఆర్టికల్ 370 రద్దు, జీఎస్టీ అమలు, వన్ ర్యాంక్ వన్ పెన్షన్ (OROP) వంటి ఏళ్ల నాటి డిమాండ్లను తీర్చడంతో పాటు, జాతీయ భద్రతను బలోపేతం చేసేందుకు సర్జికల్ స్ట్రైక్స్, ఎయిర్ స్ట్రైక్స్ వంటి సాహసోపేతమైన చర్యలు తీసుకున్నారని కొనియాడింది. ఆత్మనిర్భర్ భారత్, మేక్ ఇన్ ఇండియా ద్వారా దేశీయ తయారీ రంగానికి కొత్త ఊపు వచ్చిందని తెలిపింది. అంతర్జాతీయంగా భారతదేశానికి లభించిన జీ-20 అధ్యక్షత దేశ ప్రతిష్ఠను ప్రపంచవ్యాప్తంగా శిఖరాగ్రానికి చేర్చిందని, అంతర్జాతీయ యోగా దినోత్సవం, సోలార్ అలయన్స్ వంటి కార్యక్రమాలకు అంతటా గుర్తింపు లభించిందని పేర్కొంది. దేశంలో నెలకొన్న రాజకీయ స్థిరత్వం వల్లే ఈ వేగవంతమైన అభివృద్ధి సాధ్యమైందని, అటు ఆధునిక అభివృద్ధిని ఇటు దేశ వారసత్వాన్ని సమన్వయం చేస్తూ కొత్త భారతదేశ నిర్మాణం జరుగుతోందని కేబినెట్ అభినందించింది. మోడీ సమర్థవంతమైన నాయకత్వంలో 2047 నాటికి ‘వికసిత్ భారత్’ (అభివృద్ధి చెందిన దేశం) లక్ష్యాన్ని తప్పకుండా సాధిస్తామనే విశ్వాసాన్ని వ్యక్తపరుస్తూ, ప్రధాని నరేంద్ర మోడీకి సంపూర్ణ ఆరోగ్యం, దీర్ఘాయుష్షు కలగాలని కేంద్ర కేబినెట్ ఆకాంక్షించింది.
తాజావార్తలు
-
Story Board : రాయితీలు తీసుకుంటూ ఉద్యోగాలు ఎందుకు ఇవ్వరు?
-
Koti Deepotsavam 2026 : కోటి దీపోత్సవంలో అద్భుత ఘట్టం.. వైభవంగా తులసీ దామోదర కల్యాణం.!
-
Yuzvendra Chahal: రాజకీయాల్లోకి అడుగుపెట్టిన భారత క్రికెటర్ యుజ్వేంద్ర చాహల్.. కీలక బాధ్యతలు అప్పగింత..
-
Asaduddin Owaisi : ఒవైసీకి పోలీసుల గౌరవ వందనం.. అసలు ట్విస్ట్ ఇదే.!
-
OTR: రాజాం మున్సిపాలిటీలో జనసేనకు సొంత పార్టీ సెగ.. టీడీపీ నేతల అలక
ట్రెండింగ్
-
Microwave Cleaning Hacks : ఓవెన్లో మొండి మరకలా బెడదా.?.. 5 నిమిషాల ట్రిక్తో క్లీనింగ్ ఈజీ
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!