Mamata Banerjee : బెంగాల్ హక్కుల కోసం ఎంతటి పోరాటానికైనా సిద్ధం.. వెనక్కి తగ్గేది లేదు
- ప్రజాస్వామ్యం, రాజ్యాంగం ప్రమాదంలో ఉన్నాయన్న మమతా బెనర్జీ
- ఎన్నికల ప్రక్రియలో అక్రమాలు జరుగుతున్నాయని ఆరోపణలు
- ఆలయాలు, మసీదులు, వక్ఫ్ ఆస్తులపైనా అక్రమాలంటూ విమర్శలు
- యువత ముందుకు రావాలి.. సేవ్ ఇండియా – సేవ్ డెమోక్రసీ నినాదం
- Follow Us :
-
-
Add as a preferred
source on google
దేశంలో ప్రజాస్వామ్యం, రాజ్యాంగం , పౌరుల ప్రాథమిక హక్కులు తీవ్ర ముప్పులో పడ్డాయని తృణమూల్ కాంగ్రెస్ అధినేత్రి, పశ్చిమ బెంగాల్ ముఖ్యమంత్రి మమతా బెనర్జీ తీవ్ర ఆందోళన వ్యక్తం చేశారు. ఢిల్లీ వేదికగా నిర్వహించిన కార్యక్రమంలో ఆమె పాల్గొని బీజేపీ సర్కార్పై విరుచుకుపడ్డారు. ఓటు హక్కుల పరిరక్షణ కోసం, ప్రజాస్వామ్య కాపాడుకోవడానికి పోరాడుతున్న విద్యార్థులు, యువత, న్యాయవాదులు, పౌరసమాజ సంస్థలతో పాటు కాక్రోచ్ జనతాపార్టీ నేతలకు ఈ సందర్భంగా ఆమె ప్రత్యేక అభినందనలు తెలిపారు. బెంగాల్ ప్రజలు ప్రస్తుత పరిణామాల వల్ల తీవ్ర బాధితులుగా మారారని, రాష్ట్ర హక్కుల కోసం ఎంతటి పోరాటానికైనా సిద్ధమని, వెనక్కి తగ్గే ప్రసక్తే లేదని స్పష్టం చేశారు.
ఎన్నికల వ్యవస్థపై తీవ్ర ఆరోపణలు.. అక్రమాలపై మండిపాటు
దేశంలో ఎన్నికల నిర్వహణ, ఓట్ల లెక్కింపు ప్రక్రియలో తీవ్ర అక్రమాలు జరుగుతున్నాయని మమతా బెనర్జీ ఆరోపించారు. ఓటర్ల జాబితాల నుంచి లక్షలాది మంది ఓట్లను ఉద్దేశపూర్వకంగా తొలగిస్తున్నారని, ఓటర్ల గుర్తింపు వివరాలు, సిమ్ కార్డుల వ్యవహారాన్ని దుర్వినియోగం చేస్తూ ఓటర్ల హక్కులపై తీవ్ర అనుమానాలు రేకెత్తిస్తున్నారని విమర్శించారు. “మేము ఎన్నికల్లో ఓడిపోలేదు, కుట్రపూరితంగా మమ్మల్ని ఓడించారు. ఈ అన్యాయంపై రాజకీయంగా, ప్రజాస్వామ్యబద్ధంగా పోరాటం కొనసాగిస్తాం” అని తేల్చిచెప్పారు. దేశంలో రైతులు, కార్మికులు, మహిళలు, యువత హక్కులను దోచుకుంటున్నారని దుయ్యబట్టారు.
Also Read
- Operation Sindoor: పాకిస్తాన్తో యుద్ధంలో భారత్కు కష్టకాలం.. సిందూర్పై కాంగ్రెస్ మంత్రి వివాదాస్పద వ్యాఖ్యలు..
- CJP: మళ్లీ యాక్టివ్ అవుతున్న కాక్రోచ్ జనతా పార్టీ.. గోవా నుంచి ప్రచారం..
- Maharashtra: అక్రమ సంబంధం.. సుపారీ హత్య.. భర్త స్నేహితురాలిని చంపించిన భార్య..
- Kerala High Court: ‘దత్తత’ అనే పదం తొలగించండి.. కేరళ హైకోర్టు సంచలన తీర్పు..
ఆలయ నిధులు, వక్ఫ్ ఆస్తులైనా వదలడం లేదు
రామమందిరం విరాళాలు, బెంగాల్లోని ప్రముఖ ఆలయాల నిధులు, గురుద్వారాలు, మసీదులు , వక్ఫ్ ఆస్తుల విషయంలోనూ పెద్ద ఎత్తున అక్రమాలు జరుగుతున్నాయని మమతా బెనర్జీ ఆరోపించారు. ప్రజల ఆత్మగౌరవం, జీవనోపాధి, రాజ్యాంగ స్ఫూర్తి అన్నీ ప్రమాదంలో పడ్డాయని ఆవేదన వ్యక్తం చేశారు. పోలీసులు, కేంద్ర దర్యాప్తు సంస్థలు అధికార పార్టీకి అనుకూలంగా వ్యవహరించడం మానాలని, నిష్పక్షపాతంగా పనిచేయాలని హితవు పలికారు. నాయకులను, ప్రజలను గృహ నిర్బంధంలో ఉంచి బయటకు రాకుండా అడ్డుకుంటున్నారని, పోలీసుల అణచివేతతో కాకుండా ప్రజల భాగస్వామ్యంతోనే ప్రజాస్వామ్యం నిలబడుతుందని స్పష్టం చేశారు.
యువత ముందుకు రావాలి.. ‘సేవ్ ఇండియా – సేవ్ డెమోక్రసీ’
“భయపడేవారు కాదు.. ధైర్యంగా నిలబడి పోరాడేవారే చరిత్ర సృష్టిస్తారు” అని మమతా బెనర్జీ ఉద్బోధించారు. కులం, మతం, ప్రాంతం అనే భేదాలు లేకుండా అన్ని వర్గాల ప్రజలు ఐక్యంగా పోరాడాలని పిలుపునిచ్చారు. పౌరుల హక్కులను రక్షించడంలో , న్యాయం అందించడంలో న్యాయవ్యవస్థ మరింత చురుకైన పాత్ర పోషించాలని విజ్ఞప్తి చేశారు. రాబోయే పోరాటానికి యువత, విద్యార్థులే నాయకత్వం వహించాలని, సీనియర్ నేతలుగా తాము వెనకుండి మార్గనిర్దేశం చేస్తామని పేర్కొన్నారు. ప్రజాస్వామ్యాన్ని కాపాడుకోవడానికి, ‘సేవ్ ఇండియా – సేవ్ డెమోక్రసీ’ నినాదంతో బీజేపీని అధికార పీఠం నుంచి గద్దె దించడమే లక్ష్యంగా కులమతాలకు అతీతంగా ఏకం కావాలని పిలుపునిచ్చారు.
తాజావార్తలు
-
Koti Deepotsavam 2026 Day-6 Live: ఆరో రోజు వేడుకలు.. నేటి ప్రత్యేక ఆధ్యాత్మిక కార్యక్రమాలు..
-
YS Jagan : కుల గణనకు జగన్ మద్దతు.. 2027 లెక్కల్లో కీలక మార్పులు చేయాలని డిమాండ్
-
Uppada Kothapalli : ఉప్పాడ కొత్తపల్లి ఎంపీపీ ఎన్నిక రేపటికి వాయిదా.. ఇరువర్గాల ఆందోళనతో ఉద్రిక్తత
-
Bhogi Release: శర్వానంద్ ‘భోగి’ ఊచకోత అప్పుడే..
-
Operation Sindoor: పాకిస్తాన్తో యుద్ధంలో భారత్కు కష్టకాలం.. సిందూర్పై కాంగ్రెస్ మంత్రి వివాదాస్పద వ్యాఖ్యలు..
-
Vipperla TDP Clash : పోలీస్ స్టేషన్ వద్ద పెట్రోల్తో మహిళ హల్చల్.. విప్పర్లలో టీడీపీ వర్గపోరు!
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!