ముంబైలో పెట్రోల్, డీజిల్ వాహనాలను నిషేధించే దిశగా మహారాష్ట్ర ప్రభుత్వం పరిశీలిస్తోంది. రోజురోజుకు పెరిగిపోతున్న కాలుష్యా్న్ని కంట్రోల్ చేసేందుకు పెట్రోల్, డీజిల్ వాహనాలు రద్దు చేయాలని ఫడ్నవిస్ ప్రభుత్వం భావిస్తోంది. ఇందుకోసం రిటైర్డ్ ఐఏఎస్ అధికారి సుధీర్ కుమార్ శ్రీవాస్తవ నేతృత్వంలో కమిటీని ఏర్పాటు చేసింది. ఏడుగురు సభ్యులతో కూడిన కమిటీని నియమించింది. అధ్యయనం చేసి మూడు నెలల్లో నివేదిక సమర్పించాలని ఆదేశించింది.
ఇది కూడా చదవండి: CM Chandrababu: 2029లో మళ్లీ గెలిచేలా ప్రతి ఒక్కరి పనితీరు ఉండాలి.. కష్టపడిన వారికే ప్రాధాన్యత!
ఈ ఏడాది ప్రారంభంలో బాంబే హైకోర్టులో ప్రజా ప్రయోజన వ్యాజ్యం దాఖలైంది. విచారణ సందర్భంగా పెట్రోల్, డీజిల్ వాహనాలపై నిషేధం విధించే సాధ్యాసాధ్యాలను అధ్యయనం చేసేందుకు రాష్ట్ర ప్రభుత్వం నిపుణుల కమిటీని ఏర్పాటు చేసిందని న్యాయస్థానానికి తెలిపింది. ఇక కాలుష్యానికి ప్రధాన కారణం వాహనాల ఉద్గారాలే కారణమని కోర్టు అభిప్రాయపడింది.
ఇది కూడా చదవండి: Shocking: “చావు తర్వాత ఏం జరుగుతుంది”.. టీనేజ్ అమ్మాయి ఆత్మహత్య..
2024లో ముంబై ఆర్టీవో కార్యాలయంలో 2.79 లక్షల కొత్త వాహనాలు నమోదయ్యాయి. ఇది 2023 కంటే 9.89 శాతం ఎక్కువగా ఉంది. మొత్తంగా రాష్ట్రంలో గతేడాది 28 లక్షలకు పైగా వాహనాలు నమోదయ్యాయి. 2023తో పోలిస్తే 12.32 శాతం కంటే ఎక్కువగా ఉంది. 2025లో ప్రారంభం కానున్న నవీ ముంబై అంతర్జాతీయ విమానాశ్రయంతో రద్దీ తగ్గే అవకాశాలు ఉన్నట్లు తెలుస్తోంది.
ఇది కూడా చదవండి: Chiranjeevi: ఎక్స్ పీరియంలో తొలి షూటింగ్ నాదే!