Supreme Court: సుప్రీంకోర్టు కీలక వ్యాఖ్యలు.. సహజీవనం చేస్తే పెళ్లి అయినట్టే..!

సహజీవనానికి సంబంధించిన కేసులో అత్యున్నత న్యాయస్థానం సుప్రీంకోర్టు కీలక వ్యాఖ్యలు చేసింది.. సహజీవనం చేసిన జంటకు కలిగిన సంతానం విషయంలో కేరళ హైకోర్టు ఇచ్చిన తీర్పును కొట్టివేసిన సుప్రీంకోర్టు.. ఓ జంట.. భార్యాభర్తల్లా దీర్ఘకాలం పాటు కలిసి సహజీవనం చేశారంటే వారిద్దరూ మ్యారేజ్‌ చేసుకున్నట్టుగానే భావించాల్సి ఉంటుందని స్పష్టం చేసింది సుప్రీంకోర్టు..

Read Also: Bus Charges: చార్జీలు పెంచండి.. ఏపీఎస్‌ ఆర్టీసీకి టీఎస్‌ ఆర్టీసీ రిక్వెస్ట్

కేరళకు చెందిన ఓ జంట సుదీర్ఘకాలం పాటు సహజీవనం చేయగా.. వారికి ఓ కుమారుడు కూడా పుట్టాడు.. అయితే, ఆ జంట పెళ్లి చేసుకున్నట్లు సాక్ష్యాలు లేని కారణంగా.. ఇది అక్రమ సంతానం.. ఆ సంతానానికి పూర్వీకుల ఆస్తిలో వాటా దక్కదని పేర్కొంటూ 2009లో కేరళ హైకోర్టు తీర్పు వెలువరించింది.. అయితే, ఈ వ్యవహారం కాస్తా సుప్రీంకోర్టుకు చేరింది.. జస్టిస్‌ ఎస్‌.అబ్దుల్‌ నజీర్‌, జస్టిస్‌ విక్రమ్‌ నాథ్‌తో కూడిన సుప్రీంకోర్టు ధర్మాసనం.. కేరళ హైకోర్టు తీర్పును విభేదించింది. ఓ జంట దీర్ఘకాలం పాటు సహజీవనం చేశారంటే వారికి వివాహం జరిగినట్టుగానే భావించాలని.. సాక్ష్యాధారాల చట్టంలోని సెక్షన్‌ 114 ఈ మేరకు సూచిస్తోందని పేర్కొన్నారు. అంతే కాదు, దీనిని ఎవరైనా సవాల్‌ చేయవచ్చు.. కానీ, వారు వివాహం చేసుకోలేదని రుజువు చేయాల్సిన బాధ్యత కూడా ఆ సవాల్‌ చేసినవారిపైనే ఉంటుందని స్పష్టంచేసింది సుప్రీంకోర్టు..