Toxic OTT : రూ. 150 కోట్ల నుండి రూ. 30 కోట్లకు పడిపోయిన టాక్సిక్ OTT ఆఫర్!

‘కేజీఎఫ్’ ఫ్రాంచైజ్‌తో పాన్ ఇండియా వ్యాప్తంగా సంచలనం సృష్టించిన రాకింగ్ స్టార్ యశ్ నటించిన లేటెస్ట్ మూవీ ‘టాక్సిక్’. భారీ అంచనాల మధ్య గతనెల 26న వరల్డ్ వైడ్ గా రిలీజ్ ఆయిన ఈ సినిమా తొలి ఆటనుండే డిజాస్టర్ టాక్ తెచ్చుకుంది. కథ, కథనం, డైరెక్షన్ ఇలా అన్ని విభాగాలలోను ప్లాప్ టాక్ తెచ్చుకున్న ఈ సినిమా బయ్యర్స్ కు భారీ నష్టాలు ఇచ్చింది. ఇదిలా ఉండగా ఈ సినిమా డిజిటల్ రైట్స్ వ్యవహారంలో చిత్ర యూనిట్‌కు ఊహించని షాక్ తగిలింది. భారీ అంచనాల నడుమ విడుదలైన ఈ సినిమా థియేట్రికల్ రన్‌లో బాక్సాఫీస్ వద్ద ఆశించిన స్థాయిలో కలెక్షన్లు రాబట్టలేకపోవడం డిజిటల్ డిమాండ్‌పై తీవ్ర ప్రభావం చూపింది.

సినిమా విడుదలకు ముందు ఈ చిత్ర డిజిటల్ హక్కుల కోసం ప్రముఖ ఓటీటీ ప్లాట్‌ఫామ్‌ల నుంచి దాదాపు రూ. 150 కోట్లకు పైగా ఆఫర్లు వచ్చినట్లు టాక్ నడిచింది. అయితే మేకర్స్ అంతకంటే ఎక్కువ ఆశించడంతో అప్పట్లో ఆ డీల్స్ ఓకే కాలేదు. కానీ థియేట్రికల్ రిలీజ్ తర్వాత వచ్చిన డిజాస్టర్ టాక్, ఆశించిన స్థాయిలో వసూళ్లు లేకపోవడంతో పరిస్థితి ఒక్కసారిగా తలకిందులైంది. ప్రస్తుతం ఫిలిం నగర్ అంచనాల ప్రకారం ప్రముఖ డిజిటల్ సంస్థ జీ స్టూడియోస్ మాత్రమే ఈ డిజిటల్ హక్కులను కొనుగోలు చేసేందుకు ఆసక్తి చూపిస్తున్నట్లు తెలుస్తోంది. అయితే ఆ ఆఫర్ మొత్తం కేవలం రూ. 30 కోట్లకు పరిమితం కావడంతో మేకర్స్ దిగ్భ్రాంతికి గురయ్యారు. ఆశించిన స్థాయి కంటే డిజిటల్ మార్కెట్లో భారీగా ధర పడిపోవడం ట్రేడ్ వర్గాల్లో తీవ్ర చర్చనీయాంశంగా మారింది.