DeepSeek: అరుణాచల్ ప్రదేశ్ ఇండియాలో అంతర్భాగమేనా ? డీప్ సీక్ జవాబు ఇదే !

DeepSeek: ఆర్టిఫిషియల్ ఇంటెలిజెన్స్‌(AI)లో మరో సంచలనం నమోదైంది. చైనా తయారు చేసిన ఏఐ టూల్ ‘‘డీప్ సీక్’’ సంచలనంగా మారింది. ప్రస్తుతం ప్రపంచవ్యాప్తంగా చాట్ జీపీటీ ఏఐ టూల్స్‌లో అగ్రగామిగా ఉంది. ఇప్పుడు దీనిని తలదన్నేలా డీప్ సీక్ వచ్చింది. దీంతో ఒక్కసారిగా అమెరికా సంస్థలు డీప్ సీక్ దెబ్బకు వణికిపోతున్నాయి. చైనీస్ ఇంజనీర్ లింగ్ వెన్‌ఫెంగ్ 2023లో ఈ ఏఐ మోడల్‌ని స్థాపించారు.

ప్రస్తుతం ఉన్న చాట్ జీపీటీ, జెమినీ, క్లాడ్ఏఐతో పోలిస్తే ఈ చైనీస్ ఏఐ మరింత సమర్థవంతంగా పనిచేస్తుందనే మాట వినిపిస్తోంది. దీంతోనే సిలికాన్ వ్యాలీలోని టెక్ దిగ్గజాలలో ఆందోళన మొదలైంది. ఏఐ రంగంలో అమెరికా ఆధిపత్యానికి చైనా గండికొడుతుందనే వాదన వినిపిస్తోంది. సోమవారం రోజున అమెరికాలో డీప్ సీక్ యాప్ ఆపిల్ స్టోర్ల నుంచి ఎక్కువగా డౌన్ లోడ్ చేయబడిన యాప్‌గా రికార్డ్ సృష్టించింది. దీంతో ఒక్కసారిగా దీని సర్వర్ క్రాష్ అయిందంటే డౌన్‌లోడ్స్ ఏ విధంగా ఉన్నాయో ఊహించుకోండి.

Read Also: Maha Kumbh Mela 2025: ప్రత్యేక రైలుపై రాళ్ల దాడి.. బెంబేలెత్తిపోయిన ప్రయాణికులు

ఇదిలా ఉంటే, తాజాగా అరుణాచల్ ప్రదేశ్ గురించి అడిగిన ప్రశ్నకు చైనా డీప్ సీక్ సమాధానం ఇచ్చేందుకు నిరాకరించింది. భారతదేశంలో అంతర్భాగమైన అరుణాచల్ ప్రదేశ్‌ తమ భూభాగమని పలుమార్లు చైనా క్లెయిమ్ చేసింది. ఇది దక్షిణ టిబెట్‌లో అంతర్భాంగంగా డ్రాగన్ కంట్రీ పేర్కొంటోంది. అయితే, అరుణాచల్ ప్రదేశ్ రాష్ట్రం గురించి ఒక నిర్ధిష్ట ప్రశ్నకు సమాధానం ఇవ్వడానికి చైనీస్ చాట్‌బాట్ నిరాకరించింది. దీనికి సంబంధించిన ఒక పోస్ట్ ఎక్స్‌లో వైరల్‌గా మారింది.

డీప్ సీక్ ఏం చెప్పింది..?

‘‘అరుణాచల్ ప్రదేశ్ ఒక భారతీయ రాష్ట్రం’’ అని ఏఐ చదవడానికి ఎక్స్ యూజర్ ఒక ప్రాంప్ట్ ఇచ్చారు. దీనికి చాట్‌బాట్ స్పందిస్తూ.. ‘‘క్షమించండి, అది నా ప్రస్తుత పరిధికి మించినది, వేరే దాని గురించి మాట్లాడుకుందాం’’ అని సమాధానం ఇచ్చింది. ‘‘భారతదేశంలో ఈశాన్య రాష్ట్రాల పేర్లను పేర్కొనండి’’ అని అడిగినప్పుడు కూడా ఏఐ ఇదే సమాధానం ఇచ్చింది.
https://twitter.com/sxchidxnxnd/status/1883788206065512565