15,000 కోట్ల బైక్ బాట్ స్కామ్ను బయటపెట్టిన సీబీఐ
యూపీ సంస్థ, ప్రమోటర్పై ఎఫ్ఐఆర్ నమోదు
వజ్రాల వ్యాపారులు నీరవ్ మోదీ, మెహుల్ చోక్సీలకు సంబంధించిన పంజాబ్ నేషనల్ బ్యాంక్ మోసం కేసు కంటే ఎక్కువ విలువైన బైక్ బాట్ కుంభకోణం యూపీలో వెలుగు చూసింది.దీనిపై దర్యాప్తు చేస్తున్న సెంట్రల్ బ్యూరో ఆఫ్ ఇన్వెస్టి గేషన్ (సీబిఐ) 15,000 కోట్ల రూపాయల స్కాంకు సంబంధించి నిందితులపై ఎఫ్ఐఆర్ను నమోదు చేసింది.ఉత్తరప్రదేశ్కు చెందిన బైక్ బాట్ చీఫ్ మేనేజింగ్ డైరెక్టర్ సంజయ్ భాటి మరో 14 మందితో కలిసి దేశవ్యాప్తంగా దాదాపు రూ.15,000 కోట్ల పెట్టుబడిదారులను మోసం చేశారని ఆ ఎఫ్ఐఆర్లో పేర్కొన్నారు.
బైక్ బాట్ స్కామ్లో, నిందితుడు బైక్ బాట్ పేరుతో బైక్-టాక్సీ సర్వీస్ ముసుగులో అత్యంత లాభదాయకమైన పెట్టుబడులను పెట్టాడు. ఇం దులో కస్టమర్ ఒకటి, మూడు, ఐదు లేదా ఏడు బైక్లలో పెట్టుబడి పెట్టవచ్చు. సంస్థ దానిని నడుపుతుందని పెట్టుబడిదారులను నమ్మించారు. పెట్టుబడిదారునికి నెలవారీ అద్దె, EMI బోనస్ (బహుళ బైక్లలో పెట్టుబడి పెట్టినట్లయితే) బైనరీ నిర్మాణంలో అదనపు పెట్టుబడిదారులను చేర్పించడంపై ఇతర ప్రోత్సాహకాలను చెల్లిస్తామని నమ్మబలికారు. కంపెనీ వివిధ నగరాల్లో ఫ్రాంచైజీలను కేటాయించింది. అయితే ఈ నగరాల్లో బైక్లు టాక్సీలు పెద్దగా పనిచేయడం లేదని సీబీఐ పేర్కొంది. దీంతో దేశవ్యాప్తంగా బైక్ టాక్సీల్లో పెట్టుబడి పెట్టిన పెట్టుబడి దారులు మోసపోయినట్టు సీబీఐ గుర్తించింది.
ఈ ప్లాన్లు ఆగస్టు 2017లో బయటపడ్డాయి. పెట్టుబడిదారులు, కస్టమర్ల నుండి డబ్బు వసూలు చేయడం వారికి తిరిగి చెల్లింపులు 2019 ప్రారంభం వరకు కొనసాగాయి. నవంబర్ 2018లో, పెట్రోల్ బైక్లు రిజిస్ట్రేషన్కు సంబంధించిన సమస్యలను ఎదుర్కొంటు న్నాయని పేర్కొంటూ నవంబర్ 2018లో కంపెనీ ఇ-బైక్ల కోసం ఇలాంటి ప్లాన్లను విడుదల చేసింది. ఆపరేషన్. ఇ-బైక్ల సబ్స్క్రిప్షన్ మొత్తం సాధారణ పెట్రోల్ బైక్ల పెట్టుబడి మొత్తాల కంటే దాదాపు రెట్టింపుగా ఉందని సీబీఐ తెలిపింది.