Kangana Ranaut: “తల్లి గౌరవం కోసం 1000 ఉద్యోగాలను వదులుకుంటా”.. కంగన రనౌత్‌ని కొట్టిన కుల్వీందర్ కౌర్..

Kangana Ranaut: బీజేపీ ఎంపీ, బాలీవుడ్ నటి కంగనా రనౌత్‌ని నిన్న సీఐఎస్ఎఫ్ కానిస్టేబుల్ కుల్వీందర్ కౌర్ చెంపదెబ్బ కొట్టారు. చండీగఢ్ ఎయిర్‌పోర్ట్‌లో ఈ ఘటన జరిగింది. ఈ వ్యవహారంలో కుల్విందర్ కౌర్‌ని ఉన్నతాధికారులు సస్పెండ్ చేశారు. ఈ ఘటనపై విచారణ కొనసాగుతోంది. గురువారం ఎయిర్‌పోర్టు‌లో ఢిల్లీ ఫ్లైట్ ఎక్కేందుకు వెళ్తున్న సందర్భంలో ఈ సంఘటన జరిగింది.

Read Also: Chhattisgarh: ఛత్తీస్‌గఢ్‌లో భారీ ఎన్‌కౌంటర్.. ఐదుగురు మావోల హతం

2020లో రైతు చట్టాలపై కంగనా రనౌత్ చేసిన వ్యాఖ్యలతోనే తాను ఈ దాడికి పాల్పడినట్లు కుల్విందర్ కౌర్ చెబుతున్న ఓ వీడియో వైరల్ అయింది. ఈ దాడిపై కంగనా మాట్లాడుతూ, పంజాబ్‌లో పెరుగుతున్న ఉగ్రవాదం, తీవ్రవాదంపై ఆందోళనగా ఉందని అన్నారు. రైతుల ఉద్యమానికి వచ్చే వారు రూ.100 తీసుకుని వస్తున్నారని కంగనా రనౌత్ వ్యాఖ్యలు చేసిన రోజు, తన తల్లి కూడా ఆందోళనల్లో పాల్గొందని కుల్విందర్ అన్నారు.

అయితే, ఈ వ్యవహారంపై కుల్విందర్ ట్వీట్ చేశారు. తన తల్లి గౌరవం కోసం 1000 ఉద్యోగాలు వదులుకునేందుకు కూడా సిద్ధంగా ఉన్నానని ఆమె చెప్పింది. ఇదిలా ఉంటే ఈ వ్యవహారం వివాదాస్పదం అవుతోంది. మరోవైపు రైతు సంఘాలు కుల్విందర్‌కి మద్దతు ప్రకటించాయి. ఈ నెల 9న న్యాయ్ ర్యాలీ చేపట్టనున్నట్లు రైతు నేతలు చెప్పారు. విమానాశ్రయంలో ఈ ఘటనకు దారి తీసిన సంఘటనల క్రమంపై సరైన విచారణ జరపాలని డిమాండ్ చేశారు. ఆమెపై ఎలాంటి చర్యలు తీసుకోవద్దని అధికారుల్ని రైతు సంఘాలు కోరుతున్నాయి.
https://twitter.com/Kul_winderKaur/status/1798936612589748254