టైటిల్తోనే వైబ్ క్రియేట్ చేసి, టీజర్తో అంచనాలను పెంచేసిన లేటెస్ట్ మూవీ ‘గాయపడ్డ సింహం’, క్రేజీ డైరెక్టర్ తరుణ్ భాస్కర్ హీరోగా, పొడుగుకాళ్ల సుందరి ఫరియా అబ్దుల్లా హీరోయిన్గా నటిస్తున్న ఈ సినిమాపై ఇప్పటికే ఇండస్ట్రీలో మంచి బజ్ ఉంది. అయితే, ఈ సినిమా గురించి ఇప్పుడు ఒక ఇంట్రెస్టింగ్ న్యూస్ సోషల్ మీడియాలో వైరల్ అవుతోంది, అదేమంటే ఈ సినిమాలో టాలీవుడ్కు చెందిన ఓ యంగ్ హీరో గెస్ట్ అప్పీరెన్స్ ఇవ్వబోతున్నాడట. కేవలం అలా వచ్చి వెళ్లడం కాకుండా, ఆ హీరో ఎంట్రీ ఇచ్చే సీన్ మరియు ఆ మొత్తం ఎపిసోడ్ సినిమాకే హైలైట్గా నిలుస్తుందని సమాచారం, ముఖ్యంగా ఆ ట్రాక్లో వచ్చే కామెడీ థియేటర్లలో నవ్వులు పూయించడం ఖాయమని ఇన్సైడ్ టాక్. తరుణ్ భాస్కర్ మార్క్ మేకింగ్కు ఆ హీరో టైమింగ్ తోడైతే, ఆ సీన్ ‘స్పెషల్ అట్రాక్షన్’ అవ్వడంలో సందేహం లేదు.
ఇంతకీ ఆ గెస్ట్ రోల్ చేస్తున్న హీరో ఎవరనే కదా మీ సందేహం? మీకో చిన్న క్లూ.. ఈ యంగ్ హీరో గతంలో కూడా ఒక సినిమాలో ఇలాగే మెరుపుతీగలా మెరిసి, తనదైన కామెడీ టైమింగ్తో అందరినీ ఆకట్టుకున్నాడు. ఆ చిన్న పాత్రతోనే సినిమా స్థాయిని పెంచేశాడు. మరి ‘గాయపడ్డ సింహం’లో ఆ ‘సింహం’ లాంటి ఎంట్రీ ఇవ్వబోతున్న హీరో ఎవరనేది మీరు గెస్ చేయగలరా? సినిమా యూనిట్ నుంచి దీనిపై అధికారిక ప్రకటన రాకముందే, ఈ వార్త ఫిల్మ్ నగర్ సర్కిల్స్లో హాట్ టాపిక్గా మారింది. తరుణ్-ఫరియా కాంబోకి ఈ సర్ప్రైజ్ ఎలిమెంట్ మరింత బలాన్ని ఇస్తుందనడంలో అతిశయోక్తి లేదు.
