Neha Bora: ఆల్ ఇండియా స్టూడెంట్ అసోసియేషన్(AISA) నేహా బోరా చేసిన వ్యాఖ్యలు ఇప్పుడు వివాదాస్పదంగా మారాయి. ఆలయాలు, పూజారులు, కుల వ్యవస్థపై ఆమె చేసిన వ్యాఖ్యలపై బీజేపీ తీవ్ర ఆగ్రహం వ్యక్తం చేస్తోంది. గతంలో రాహుల్ గాంధీ, కాంగ్రెస్ కూడా హిందువుల అవమానించేందుకు ఇలాంటి వ్యాఖ్యలే చేశారని బీజేపీ ఆరోపిస్తోంది. సనాతన ధర్మాన్ని లక్ష్యంగా చేసుకుని కాంగ్రెస్ ఒక భావజాలమైన ప్రచారాన్ని నిర్వహిస్తోందని బీజేపీ అధికార ప్రతినిధి ప్రదీప్ భండారీ ఆరోపించారు.
మహిళలకు రక్షణ అవసరమని, ముఖ్యంగా బ్రహ్మణీయ వ్యవస్థ నుంచి వారిని కాపాడాల్సిన అవసరం ఉందని, ఆలయాల్లో పూజారులు అత్యాచారాలకు పాల్పడుతున్నారని నేహా బోరా ఆరోపించింది. ఈ వ్యాఖ్యలుపై స్పందించిన బీజేపీ.. హిందూ మతాన్ని కించపరిచేలా ఆమె మాట్లాడారని విమర్శించింది.
రాహుల్ గాంధీ వ్యాఖ్యలతో పోలిక..
నేహా బోరా చేసిన వ్యాఖ్యలు కాంగ్రెస్ ఎంపీ రాహుల్ గాంధీ గతంలో చేసిన వ్యాఖ్యల మాదిరిగానే ఉన్నాయని ప్రదీప్ భండారీ అన్నారు. ఈ వ్యాఖ్యలు రాహుల్ గాంధీ నుంచి ప్రేరణ పొందినట్లు ఉన్నాయని అన్నారు. ఆలయాల్లో దేవతలను పూజించడానికి వెళ్లే వారే బస్సుల్లో మహిళలపై వేధింపులకు పాల్పడుతున్నారని రాహుల్ గతంలో అన్న వ్యాఖ్యల్ని ప్రస్తావించారు. 2014లో ఢిల్లీలో జరిగిన సామూహిక అత్యాచార ఘటనపై స్పందిస్తూ రాహుల్ గాంధీ ఈ వ్యాఖ్యలు చేసినట్లుగా తెలుస్తోంది.
కాంగ్రెస్ ‘‘హిందూ టెర్రరిజం’’ కామెంట్స్‌ను ప్రస్తావించిన బీజేపీ..
గతంలో కాంగ్రెస్ నేతలు ఉపయోగించిన ‘‘హిందూ ఉగ్రవాదం’’, ‘‘కాషాయ ఉగ్రవాదం’’ వంటి పదాలను కూడా ప్రదీప్ భండారీ ప్రస్తావించారు. 2010-2013 మధ్య యూపీఓ ప్రభుత్వ హయాంలో అప్పటి కేంద్ర హోంమంత్రి పి.చిదంబరం, సుశీల్ కుమార్ షిండేలు ఈ వ్యాఖ్యలు చేసినట్లుగా బీజేపీ చెబుతోంది. నేహా బోరా వ్యాఖ్యలు బంగ్లాదేశ్ ఇస్లామిస్ట్‌ల నుంచి ప్రేరణ పొందాయని భండారీ ఆరోపించారు. కాంగ్రెస్ డీఎన్ఏలోనే హిందూ వ్యతిరేకంగ, రాజ్యాంగ వ్యతిరేకత, సనాతన ధర్మ వ్యతిరేక ఉన్నాయని ఆగ్రహం వ్యక్తం చేశారు.
Shocked to Listen the Hindu Hate of Neha Bora Without Any Fear.
"Pujari rapes women in Temples"
"Women needs protection from Brahmans"
This women was given stage by Rahul Gandhi.
With her Rahul Will Win UP Elections? https://t.co/Cf3tnm7Ssp
— Dear Men (@DearMenLife) November 2, 2026