Uttar pradesh: లేడీ ఇన్స్పెక్టర్ పై మహిళ దాడి.. విషయమేమిటంటే..

ఆగ్రాలోని ట్రాన్స్-యమునా పోలీస్ స్టేషన్‌లో ఒక మహిళా ఇన్‌స్పెక్టర్ , మరో మహిళ మధ్య గొడవ జరిగింది. పోలీసు అధికారులు ఈ సంఘటనను చిత్రీకరించారు. అనంతరం దర్యాప్తును మాజీ SHO, కొత్వాలి ఇన్‌స్పెక్టర్ భాను ప్రతాప్ యాదవ్‌కు అప్పగించారు.

ఆగ్రాలోని ట్రాన్స్-యమునా పోలీస్ స్టేషన్‌లో ఒక మహిళ ,పోలీసు అధికారుల మధ్య గొడవ జరిగింది. దర్యాప్తు కొనసాగుతోంది. వాస్తవాలను ధృవీకరించకుండా దొంగతనం కేసులో తుది నివేదిక దాఖలు చేశారని ఆ మహిళ ఆరోపించింది. పోలీస్ కమిషనర్ ఎఫ్‌ఐఆర్‌ను రద్దు చేశారు. దర్యాప్తును మాజీ ఎస్‌హెచ్‌ఓ, కొత్వాలి ఇన్‌స్పెక్టర్ భాను ప్రతాప్ యాదవ్‌కు అప్పగించారు. పోలీసులపై వచ్చిన ఆరోపణలపై దర్యాప్తును అదనపు సూపరింటెండెంట్ ఆఫ్ పోలీస్ (క్రైమ్) హిమాన్షు గౌరవ్‌కు అప్పగించారు.

ఆగస్టు 19న పోలీస్ స్టేషన్‌లో బాధిత మహిళకు, మహిళా ఇన్‌స్పెక్టర్‌కు మధ్య వివాదం జరిగింది. ఇద్దరి మధ్య జరిగిన గొడవకు సంబంధించిన వీడియో బయటపడింది. శాంతికి భంగం కలిగించినందుకు పోలీసులు ఆ మహిళపై చర్యలు తీసుకున్నారు. బెయిల్‌పై విడుదలైన తర్వాత, ఆ మహిళ ఆగస్టు 22న తన వీడియోను వైరల్ చేసింది. అందులో తాను వీడియో తీస్తున్నానని చెప్పింది. దీంతో ఆమె మహిళను కొట్టి .. మొబైల్ లాక్కున్నారు. అనంతరం ఒక గదిలో బంధించి దారుణంగా కొట్టారు. కేసు దర్యాప్తును అదనపు డిప్యూటీ కమిషనర్ ఆఫ్ పోలీస్ పూనమ్ సిరోహికి అప్పగించారు. ఆమె మహిళా ఇన్‌స్పెక్టర్, మహిళ వాంగ్మూలాలను నమోదు చేసింది. దీని తర్వాత, ఆమె తన నివేదికను పోలీస్ కమిషనర్ కార్యాలయానికి సమర్పించింది. ఇద్దరిని దోషులుగా తేల్చింది. నివేదిక ఆధారంగా చర్యలు తీసుకుంటామని పోలీస్ కమిషనర్ దీపక్ కుమార్ తెలిపారు.