Chhattisgarh: ఛత్తీస్‌గఢ్‌లో భద్రతా దళాల వేట.. 19 మంది మావోల అరెస్ట్

అక్టోబర్ ప్రారంభంలో ఛత్తీస్‌గఢ్‌లో మావోయిస్టులకు భారీ ఎదురుదెబ్బ తగలింది. భద్రతా దళాల కాల్పుల్లో దాదాపు 35 మందికి పైగా మావోయిస్టులు హతమయ్యారు. తాజాగా మరోసారి సుక్మా జిల్లాలో భద్రతా దళాలు వేర్వేరు ఆపరేషన్లు నిర్వహించారు. అడవిలో జల్లెడ పట్టగా 19 మంది మావోయిస్టులను అరెస్ట్ చేసినట్లు పోలీసులు మంగళవారం తెలిపారు. జాగర్‌గుండ పోలీస్‌స్టేషన్‌ పరిధిలో 14 మంది నక్సలైట్లు పట్టుబడగా.. భెజ్జీ పోలీస్‌స్టేషన్‌ పరిధిలో ఐదుగురు ఆదివారం పట్టుబడ్డారని అధికారి తెలిపారు. మొత్తం 19 మందిని అరెస్ట్ చేసినట్లు పోలీస్ అధికారి వెల్లడించారు.

ఇది కూడా చదవండి: Tejas MK1A: తేజస్ ఇంజిన్ డెలివరీ ఆలస్యం.. అమెరికన్ కంపెనీకి భారత్ భారీ జరిమానా..

ఈ నక్సలైట్లపై ఛత్తీస్‌గఢ్ ప్రభుత్వం ఒక్కొక్కరికి లక్ష రూపాయల రివార్డు ప్రకటించింది. పలువురు నక్సలైట్లపై అరెస్ట్ వారెంట్లు కూడా జారీ అయ్యాయి. సుక్మా ఎస్పీ కిరణ్ చవాన్ మాట్లాడుతూ.. జిల్లాలో నక్సల్స్ నిర్మూలన కార్యక్రమాన్ని నిరంతరం నిర్వహిస్తున్నామన్నారు. భేజ్జీ పోలీస్ స్టేషన్ పరిధిలోని భండార్‌పదర్, గొంపాదర్ అడవుల్లో నక్సలైట్లు గుమిగూడి అవాంఛనీయ ఘటనకు పాల్పడ్డారని ఇన్‌ఫార్మర్‌ నుంచి సమాచారం అందింది. సమాచారం ఆధారంగా భేజ్జీ పోలీస్ స్టేషన్ సిబ్బంది, సీఆర్‌పీఎఫ్ సంయుక్త బృందం అక్టోబర్ 27న భండార్‌పదర్ ప్రాంతానికి వెళ్లారు. అక్కడ సైనికులు చుట్టుముట్టి 5 మంది నక్సలైట్లను అదుపులోకి తీసుకున్నారు. ముగ్గురు నక్సలైట్లకు అరెస్ట్ వారెంట్ జారీ అయింది.

ఇది కూడా చదవండి: Minister Anagani: ప్రపంచం మొత్తం ఏపీ వైపు చూస్తోంది..

జాగర్‌గుండ పోలీస్‌స్టేషన్‌ పరిధిలోని తుమల్‌పాడ్‌ ప్రాంతంలో సోదాలు చేసేందుకు డీఆర్‌జీ, కోబ్రా, సీఆర్‌పీఎఫ్‌ల సంయుక్త బృందం వెళ్లింది. పోలీసుల పార్టీని చూసిన కొందరు అనుమానితులు తుమ్మలపాడు అడవుల్లో తలదాచుకునేందుకు ప్రయత్నించారు. పోలీసులు చుట్టుముట్టి 14 మందిని పట్టుకున్నారు. వారి దగ్గర నుంచి మెటీరియల్, పేలుడు పదార్థాలు స్వాధీనం చేసుకున్నారు. నక్సలైట్లందరూ 8-10 సంవత్సరాలుగా మావో సంస్థలో చురుకుగా ఉంటున్నారని ఎస్పీ తెలిపారు.

నక్సలైట్లు ఐఈడీ పేలుడు, దహనం, దోపిడీలు, రోడ్లు తవ్వడం, బ్యానర్లు, పోస్టర్లు వేయడం వంటి నేరాలకు పాల్పడ్డారు. అరెస్టయిన నక్సలైట్ల నుంచి 300 గ్రాముల గన్ పౌడర్, 3 ముక్కలు టైగర్ క్రాకర్ బాంబు, 2 అగ్గిపెట్టెలు, 3 జిలెటిన్ రాడ్లు, 2.50 మీటర్ల కోడెక్స్ వైర్, 6 పెన్సిల్ సెల్స్, 3 డిటోనేటర్లు, 4 మీటర్ల ఎలక్ట్రిక్ వైరును పోలీసులు స్వాధీనం చేసుకున్నారు. జాగరగుండ పోలీస్ స్టేషన్‌లో అరెస్టయిన 14 మంది నక్సలైట్లలో బర్సే హద్మా, బర్సే హింగా, హేమ్లా మంగడు, బర్సే నగేష్, బర్సే జోగా, మడ్కం రాకేష్, హేమ్లా జీతు, బర్సే మంగ్డు, బర్సే హింగా, మద్వి హద్మా, మద్కం ఐతు, మద్కం హింగ, మద్వి నంద ఉన్నారు. భెజ్జి పోలీస్ స్టేషన్ నుండి అరెస్టయిన ఐదుగురు నక్సలైట్లు వంజమ్ ఆయత, పొడియం కోస, సోడి ఆయత, సోడి హద్మా, పొడియం పొజ్జా ఉన్నారు.

ఇది కూడా చదవండి: Bangladesh: షేక్ హసీనా లగ్జరీ ప్యాలెస్.. ఇప్పుడు ‘‘విప్లవ మ్యూజియం’’..