రానా రిలీజ్ చేసిన ‘త్రిశంకు’ మూవీ లిరికల్ వీడియో సాంగ్

స్టార్ హీరోయిన్ రకుల్ ప్రీత్ సింగ్ సోదరుడు అమన్ హీరోగా నటిస్తున్న సినిమా ‘త్రిశంకు’. ప్రాచీ తెహ్లాన్, రష్మీ గౌతమ్ హీరోయిన్లు. సుమన్, మహేశ్ ఆచంట, నవీన్ రెడ్డి కీలక పాత్రలు పోషిస్తున్న ఈ మూవీని శ్రీకృష్ణ గొర్లె దర్శకత్వంలో లండన్ గణేశ్, నల్ల అయ్యన్న నాయుడు నిర్మిస్తున్నారు. ఈ సినిమా కోసం భాష్యశ్రీ రాయగా, సునీల్ కశ్యప్ ‘ఏడు రంగుల ఓ ఇంద్రధనస్సులా’ గీతాన్ని స్వరపరిచారు. దీనిని రాహుల్ సిప్లిగంజ్ పాడారు. ఈ లిరికల్ వీడియోను ప్రముఖ నటుడు రానా దగ్గుబాటి ఇటీవల విడుదల చేసి, యూనిట్ కు శుభాకాంక్షలు తెలిపారు. ఈ సందర్భంగా నిర్మాతలు గణేశ్, అయ్యన్న మాట్లాడుతూ, ‘శ్రీకృష్ణ చెప్పిన కథ నచ్చి ఈ సినిమా నిర్మించాం. అన్ని వర్గాలను అలరించే చక్కని ఎలిమెంట్స్ మూవీలో ఉన్నాయి. అతి త్వరలోనే సినిమాకు సంబంధించిన అన్ని వివరాలు తెలియచేస్తాం’ అన్నారు.