భారీ బ్యాటరీలు, కొత్త చిప్‌సెట్లతో మార్చి 17న లాంచ్‌కు సిద్ధమైన POCO X8 Pro, X8 Pro Max 5G స్మార్ట్ ఫోన్స్..!

POCO X8 Pro, X8 Pro Max 5G: పోకో (POCO) సంస్థ నుండి కొత్త స్మార్ట్‌ఫోన్లు పోకో X8 ప్రో (POCO X8 Pro), పోకో X8 ప్రో మాక్స్ (POCO X8 Pro Max 5G)లను గ్లోబల్ మార్కెట్లతో పాటు భారత్‌లో కూడా మార్చి 17న అధికారికంగా లాంచ్ చేయనుంది. తాజాగా వచ్చిన పుకార్లు, టీజర్ల తరువాత కంపెనీ ఈ లాంచ్ తేదీని ధృవీకరించింది. ika టీజర్ చిత్రం ప్రకారం X8 Pro వైట్, X8 Pro Max బ్లాక్ కలర్‌లో రాబోతున్నాయి. ఈ రెండు ఫోన్లకు మెటల్ ఫ్రేమ్ డిజైన్‌తో పాటు వెనుక భాగంలో డ్యూయల్ కెమెరా సెటప్ ఉండనుంది. ఆకర్షణీయమైన డిజైన్‌తో ఈ స్మార్ట్‌ఫోన్లు మార్కెట్లోకి రానున్నాయి.

Lavanya Tripathi : మెగా కోడ‌లికి త‌ప్ప‌ని సోషల్ మీడియా వేధింపులు..

చిప్‌సెట్ విషయానికి వస్తే X8 Proలో మీడియాటెక్ డిమెంసిటీ 8500 అల్ట్రా ప్రాసెసర్‌ను ఉపయోగించనున్నట్లు వెల్లడించింది. ఇక X8 Pro Max మోడల్‌లో మీడియాటెక్ డిమెంసిటీ 9500s చిప్‌సెట్ ఉండనుంది. లీక్‌ల ప్రకారం POCO X8 Proలో 6.59 అంగుళాల 1.5K AMOLED డిస్‌ప్లే, 120Hz రిఫ్రెష్ రేట్ ఉండే అవకాశం ఉంది. కెమెరా విభాగంలో OIS సపోర్ట్‌తో 50MP ప్రధాన కెమెరా, 20MP ఫ్రంట్ కెమెరా ఉండవచ్చు. అలాగే ఈ ఫోన్‌కు IP69K రేటింగ్ ఇవ్వనున్నట్లు సమాచారం. బ్యాటరీ విషయానికి వస్తే గ్లోబల్ వర్షన్‌లో 6500mAh బ్యాటరీతో 100W ఫాస్ట్ చార్జింగ్ సపోర్ట్ ఉండే అవకాశం ఉంది. అయితే భారతీయ వర్షన్‌లో మాత్రం 7560mAh భారీ బ్యాటరీ ఉండవచ్చని సమాచారం.

Surendhar Reddy : పవన్ కళ్యాణ్ సినిమాతో సురేందర్ రెడ్డి కంబ్యాక్ ఇస్తారా?

ఇక POCO X8 Pro Max 5G మొబైల్ మరింత పెద్ద డిస్‌ప్లేతో రానుందని సమాచారం. ఇందులో 6.83 అంగుళాల 1.5K AMOLED డిస్‌ప్లే, 120Hz రిఫ్రెష్ రేట్ ఉండే అవకాశం ఉంది. కెమెరా విభాగంలో OIS‌తో 50MP ప్రధాన కెమెరా, 20MP సెల్ఫీ కెమెరా ఉండవచ్చు. అలాగే IP69K రేటింగ్ తో పాటు 9000mAh భారీ బ్యాటరీ, 100W వైర్డ్ ఫాస్ట్ చార్జింగ్ సపోర్ట్ ఉండే అవకాశముంది. మొత్తంగా పెద్ద డిస్‌ప్లేలు, కొత్త మీడియాటెక్ చిప్‌సెట్లు, భారీ బ్యాటరీలతో ఈ రెండు ఫోన్లు మార్కెట్లో హడావిడి చేయనున్నాయి.