Vijay Sethupathi: హిట్ కొట్టగానే డైరెక్టర్ మారిపోయాడు.. 33 సార్లు కాల్ చేసినా లిఫ్ట్ చేయలేదు!

Vijay Sethupathi Intresting Comments on Director Nithilan: విజయ్ సేతుపతి హీరోగా తెరకెక్కిన మహారాజా అనే సినిమా తమిళ, తెలుగు భాషలలో జూన్ 14వ తేదీ రిలీజ్ అయింది. ఈ సినిమా రిలీజ్ అయిన మొదటి ఆట నుంచి పాజిటివ్ టాక్ తో దూసుకుపోతోంది. ముఖ్యంగా ఈ సినిమా స్క్రీన్ ప్లే విషయంలో దర్శకుడికి పెద్ద ఎత్తున ప్రశంసలు లభిస్తున్నాయి. ఇక ఈ సినిమా సూపర్ సక్సెస్ అయిన నేపథ్యంలో సినిమా యూనిట్ హైదరాబాదులో సక్సెస్ మీట్ నిర్వహించింది. ఈ క్రమంలో దర్శకుడు నిధిలన్ గురించి విజయ్ సేతుపతి ఆసక్తికరమైన వ్యాఖ్యలు చేశారు. అదేమంటే సక్సెస్ మీట్ అనంతరం టీం మీడియా ప్రతినిధులతో ముచ్చటించింది. ఈ సందర్భంగా ఒక మీడియా ప్రతినిధి ఈ సినిమా చూసిన తర్వాత తమిళ సినిమా పరిశ్రమ నుంచి ఎలాంటి స్పందన ఉందని ప్రశ్నించారు.

Vijay Sethupathi: పుష్ప రిజెక్ట్ చేసిన సేతుపతి.. ఇదేంట్రా ఇలా చెప్పాడు?

దానికి దర్శకుడు చాలామంది హీరోలు దర్శకులు తనకి కాల్ చేసి అభినందిస్తున్నారని చాలా కాలం తర్వాత ఇంత సంతోషంగా ఉన్నానని చెప్పుకొచ్చాడు. ఇంతలో విజయ్ సేతుపతి కల్పించుకొని ఈయన ఎంత బిజీ అయిపోయాడు అంటే నా ఫోన్ కూడా ఎత్తట్లేదు నేను కనీసం 33 సార్లు ఫోన్ చేశాను కానీ ఆయన నా ఫోన్ ఆన్సర్ చేయలేదు అని సమాధానం ఇచ్చాడు. దానికి దర్శకుడు కల్పించుకుని నిజానికి అదేమీ లేదని ఆయన ఇందాక అన్నట్టు అన్ని సార్లు నిజం చెబితే కరెక్ట్ కాదని కొన్నిసార్లు ఇలా అబద్దం కూడా చెబుతూ ఉండాలని కామెంట్ చేశారు.