బాలీవుడ్లోకి 96 మూవీ రీమేక్!
సౌత్ హిట్ సినిమాలతో పాటుగా మంచి కంటెంట్ ఉన్న చిత్రాలు కూడా బాలీవుడ్ లోకి రీమేక్ అవుతున్న సంగతి తెలిసిందే.. కాగా, తాజాగా కోలీవుడ్ సూపర్ హిట్ మూవీ ‘96’ చిత్రం కూడా బాలీవుడ్ లోకి రీమేక్ కాబోతుంది. విజయ్ సేతుపతి, త్రిష హీరో హీరోయిన్లుగా నటించిన ఈ చిత్రం భారీ విజయాన్ని అందుకొంది. ఇప్పుడు ఈ చిత్రాన్ని బాలీవుడ్ నిర్మాత అజయ్ కపూర్ హిందీలో నిర్మించనున్నారు. ఈ విషయాన్ని అజయ్ కపూర్ ప్రొడక్షన్స్ ప్రైవేట్ లిమిటెడ్ వారు స్వయంగా ప్రకటించారు. త్వరలోనే దర్శకుడు, నటీనటుల వివరాలను విడుదల చేస్తామని చెప్పుకొచ్చారు.
ఇక ఇదే సినిమాని నిర్మాత దిల్ రాజు తెలుగులోకి ‘జాను’ అనే టైటిల్ తో తీసుకొచ్చిన సంగతి తెలిసిందే. శర్వానంద్, సమంత హీరో హీరోయిన్లుగా నటించారు. అయితే తమిళంలో ఆశించినంతగా తెలుగులో ఆకట్టుకోలేకపోయింది. తమిళ వెర్షన్ ను డైరెక్ట్ చేసిన ప్రేమ్ కుమార్ ఈ సినిమాకు దర్శకత్వం వహించాడు.