V. V. Vinayak: తొలి తెలుగు పాన్ ఇండియా బాలల చిత్రం ‘లిల్లీ’!
V. V. Vinayak: గోపురం స్టూడియోస్ పతాకంపై కె. బాబురెడ్డి, జి. సతీష్కుమార్ నిర్మించిన బాలల చిత్రం ‘లిల్లీ’. ఈ మూవీతో శివమ్ దర్శకునిగా పరిచయం అవుతున్నారు. నేహ లీడ్రోల్లో వేదాంత్ వర్మ, ప్రణితారెడ్డి బాలనటులుగా నటించిన ఈ చిత్రంలో రాజ్వీర్ ముఖ్య పాత్రను పోషించారు. శనివారం హైదరాబాద్లో ‘లిల్లీ’ సినిమా ప్రమోషన్ను లాంఛనంగా ప్రారంభించింది చిత్రయూనిట్. ముఖ్య అతిథిగా హాజరైన దర్శకుడు వి. వి. వినాయక్ ‘లిల్లీ’ సినిమా ఫస్ట్లుక్ పోస్టర్తో పాటు సినిమాలోని ఎమోషనల్ సాంగ్ను విడుదల చేశారు.
ఈ సందర్భంగా ఆయన మాట్లాడుతూ.. ”దర్శకుడు శివమ్ తెరకెక్కించిన ఈ మూవీ క్యాన్సర్ పై పోరాటం మీద వుంటుంది. క్యాన్సర్ ని ఓ డైనోసార్ తో పోలుస్తూ… పోస్టర్ డిజైన్ చేసిన విధానం నచ్చింది. సీనియర్ నటుడు శివకృష్ణగారు సినిమాల మీద ఎంతో ప్యాషన్ ఉన్న వ్యక్తి. నా ‘చెన్నకేశవ రెడ్డి’లో ఆయన నటించారు. ఇటీవల ఈ సినిమా రీ-రిలీజ్ అయినప్పుడు నాకు ఫోన్ చేసి సినిమా రికార్డుల గురించి అడిగి తెలుసుకున్నారు. ఆయన మనవడు నటించిన ఈ సినిమా హిట్ అవ్వాలి” అని అన్నారు. దర్శకుడు శివమ్ మాట్లాడుతూ, ”మణిరత్నం దర్శకత్వంలో వచ్చిన ‘అంజలి’ సినిమానే దీనికి ఇన్స్పిరేషన్. మణి సార్కి ఏకలవ్య శిష్యుణ్ని నేను. ఈ రోజుల్లో ఒక బాలల చిత్రాన్ని దేశవ్యాప్తంగా నిర్మాతలు విడుదల చేయాలని అనుకోవడం గ్రేట్” అని అన్నారు.
Read Also: Chiranjeevi: రాజమౌళి డైరెక్షన్లో సినిమా.. బాంబ్ పేల్చిన మెగాస్టార్
నిర్మాత బాబురెడ్డి మాట్లాడుతూ, ”సినిమాలో ఎటువంటి వల్గారిటీ లేకుండా వుంటేనే నేను నిర్మిస్తానని దర్శకుడికి చెప్పాను. అలాంటి కథనే చెప్పి నన్ను ఒప్పించాడు. పిల్లల్ని దేవుళ్లంటారు కదా! ఈ సినిమా చూస్తే అలా ఎందుకంటారో అర్ధమవుతుంది. ప్రస్తుత సమాజంలో పిల్లల్ని సినిమాలకు తీసుకెళ్లాలంటే పేరెంట్స్ భయపడుతున్నారు. కానీ, మా సినిమాకి పెద్దవాళ్లే సినిమా చూడమని పిల్లల్ని పంపుతారు” అని అన్నారు. నటుడు శివకృష్ణ మాట్లాడుతూ, ”ఇలాంటి మంచి సినిమాలు ఎప్పుడో ఓ సారి మాత్రమే తలుపు తట్టి మన దగ్గరికి వస్తాయి. ఈ చిత్రంలో నటించిన నేహ, దివ్యతో పాటు నా మనవడు వేదాంత్వర్మ కూడా ఎంతో చక్కగా నటించాడు. ఈ ముగ్గురూ ‘లిల్లీ’ వంటి మంచి చిత్రంతో నటులుగా పరిచయం అయినందుకు ఆనందంగా ఉంది” అని అన్నారు. ఈ కార్యక్రమంలో కీలకమైన రియల్లైఫ్ పాత్రలో నటించిన మలయాళ హీరో రాజీవ్పిళ్లై, బాలీవుడ్ నటి మిషెల్ షా కూడా పాల్గొన్నారు.