‘యశోద’లో గౌతమ్ గా మలయళ నటుడు!

సమంత టైటిల్ రోల్ ప్లే చేస్తున్న పాన్ ఇండియా థ్రిల్లర్ మూవీ ‘యశోద’లో పరభాషా నటుల ఎంట్రీ కొనసాగుతోంది. ఇప్పటికే ఈ సినిమాలో ఓ కీలక పాత్రకు వరలక్ష్మీ శరత్ కుమార్ ను ఎంపిక చేసి, ఆమెపై షూటింగ్ కూడా మొదలు పెట్టారు. తాజాగా ఈ మూవీలో ప్రముఖ మలయాళ నటుడు ఉన్ని ముకుందన్… గౌతమ్ పాత్రను చేస్తున్నారు. ఈ విషయాన్ని సోషల్ మీడియా ద్వారా చిత్ర బృందం తెలిపింది. ‘జనతా గ్యారేజ్’తో టాలీవుడ్ బాట పట్టిన ఉన్ని ముకుందన్ ఆ తర్వాత ‘భాగమతి’లో కీలక పాత్ర పోషించాడు. అలానే రవితేజ ‘ఖిలాడీ’ చిత్రంలో నటించాడు.

https://ntvtelugu.com/harihara-veeramallu-in-script-reading/

‘యశోద’ చిత్రీకరణ డిసెంబర్ నెల 6న హైదరాబాద్ లో ప్రారంభమైంది. అప్పటి నుంచి నిర్విరామంగా షూటింగ్ జరుగుతోంది. సినిమాలో కీలకమైన మధుబాల పాత్రను వ‌ర‌లక్ష్మీ శ‌ర‌త్ కుమార్, గౌతమ్ పాత్రను ఉన్ని ముకుందన్ చేస్తున్నారు. ప్రధాన తారాగణంపై ఈ నెల 23 వరకూ హైదరాబాద్ పరిసర ప్రాంతాల్లో తొలి షెడ్యూల్ చేసి, జనవరి 3 నుంచి రెండో షెడ్యూల్ మొదలు పెట్టబోతున్నారు. హరి – హరీశ్ ద్వయం దర్శకత్వంలో శివలెంక కృష్ణ ప్రసాద్ నిర్మిస్తున్న ఈ సినిమాకు మణిశర్మ సంగీతం అందిస్తున్నారు.