Heroines: స్టార్డమ్ ఇచ్చిన తెలుగు సినిమా అంటే హీరోయిన్లకు ఎందుకంత లోకువ?
టాలీవుడ్.. రంగుల ప్రపంచం, ఇక్కడ ఒక్క సినిమా హిట్ అయితే చాలు, రాత్రికి రాత్రే స్టార్లు అయిపోవచ్చు. కోట్లాది మంది అభిమానం, అంతకు మించిన ఆదాయం, గౌరవం అన్నీ ఇక్కడ దక్కుతాయి. ముఖ్యంగా ఇతర భాషల నుంచి వచ్చే హీరోయిన్లకు తెలుగు పరిశ్రమ అండగా నిలిచి, వారిని గ్లామర్ క్వీన్లుగా మారుస్తుంది. కానీ, తీరా ఇక్కడ స్టార్డమ్ వచ్చాక, బాలీవుడ్కు వెళ్లగానే కొందరు భామలకు ‘ఏరు దాటాక తెప్ప తగలేయడం’ అలవాటుగా మారింది. అన్నం పెట్టిన ఇండస్ట్రీపైనే అనుచిత వ్యాఖ్యలు చేస్తూ వార్తల్లో నిలుస్తున్నారు.
దర్శకేంద్రుడు కె. రాఘవేంద్రరావు తెరకెక్కించిన ‘ఝమ్మందినాదం’తో వెండితెరకు పరిచయమైంది తాప్సీ. మొదటి సినిమాతోనే టాలీవుడ్లో గుర్తింపు తెచ్చుకున్న ఈమె, బాలీవుడ్ వెళ్ళాక ఒక ఇంటర్వ్యూలో చేసిన వ్యాఖ్యలు అప్పట్లో దుమారం రేపాయి. తన నాభిపై టెంకాయ విసిరిన సీన్ గురించి ఎగతాళిగా మాట్లాడటంతో నెటిజన్లు తీవ్రంగా స్పందించారు. ఆ తర్వాత వివరణ ఇచ్చుకుని సారీ చెప్పినప్పటికీ, ఇటీవల ‘ప్యాడెడ్ బ్రా’ ధరించమని సౌత్ మేకర్స్ ఒత్తిడి చేసేవారంటూ మరోసారి నెగిటివ్ కామెంట్స్ చేయడం చర్చనీయాంశమైంది.
Also Read:The Kerala Story 2: రేపు “కేరళ స్టోరీ 2″ని చూడనున్న హైకోర్టు.. ఆ తర్వాతే నిర్ణయం..
అయితే హిందీ సినిమాలతోనే నటిగా అడుగుపెట్టినా, రాధికా ఆప్టేకు బ్రేక్ ఇచ్చింది మాత్రం వర్మ తీసిన ‘రక్తచరిత్ర’. బాలయ్యతో ‘లెజెండ్’, రజనీకాంత్ సరసన ‘కబాలి’ వంటి భారీ చిత్రాల్లో నటించి పేరు సంపాదించుకుంది. కానీ, స్టార్డమ్ వచ్చాక మాత్రం సౌత్ హీరోల బాడీ లాంగ్వేజ్పై, ఇక్కడి పద్ధతులపై ఆమె చేసిన విమర్శలు హాట్ టాపిక్గా మారాయి. కేవలం ఆర్థిక పరిస్థితి బాగోకనే కెరీర్ మొదట్లో సౌత్ సినిమాలు చేశానంటూ ఆమె చేసిన వ్యాఖ్యలు తెలుగు ప్రేక్షకులను నొచ్చుకునేలా చేశాయి.
టాలీవుడ్లో ‘బుట్టబొమ్మ’గా వెలిగిపోయిన పూజా హెగ్డే కూడా ఒకానొక సమయంలో దక్షిణాది ప్రేక్షకుల ఆసక్తి కేవలం నాభి, నడుముపైనే ఉంటుందంటూ కామెంట్స్ చేసి విమర్శల పాలైంది. ఇక గోవా బ్యూటీ ఇలియానా కథ అయితే మరీ విచిత్రం. తెలుగులో కోటి రూపాయల రెమ్యునరేషన్ తీసుకున్న తొలి హీరోయిన్గా రికార్డు సృష్టించిన ఈమె, బాలీవుడ్ వెళ్ళాక నడుము అందాలు చూపించలేకే తెలుగు సినిమాలకు దూరమయ్యానంటూ వ్యాఖ్యానించింది. మరి బాలీవుడ్లో అంతకంటే ఎక్కువ గ్లామర్ ప్రదర్శించడంపై నెటిజన్లు ఆమెను ఓ రేంజ్లో ట్రోల్ చేశారు.
Also Read:Spirit: డార్లింగ్ ఫ్యాన్స్కు పూనకాలే.. ‘స్పిరిట్’లో డాన్ లీ క్యామియో? మార్చి 1న అప్డేట్ వస్తోందా!
పేరు, హోదా ఇచ్చిన ఇండస్ట్రీని చులకన చేయడంపై సినీ విశ్లేషకులు మండిపడుతున్నారు. కోట్లు కుమ్మరించిన టాలీవుడ్ను కించపరచడం హీరోయిన్ల బాధ్యతారాహిత్యానికి నిదర్శనమని ఫ్యాన్స్ ఫైర్ అవుతున్నారు. గ్లామర్ ఫీల్డ్లో ఉన్నప్పుడు విమర్శలు రావడం సహజం. కానీ, ఏ పరిశ్రమ అయితే లైఫ్ ఇచ్చిందో, ఏ ప్రేక్షకులయితే నెత్తిన పెట్టుకుని చూసుకున్నారో.. వారిని తక్కువ చేసి మాట్లాడటం సరైన పద్ధతి కాదు. ఏరు దాటాక తెప్ప తగలేయడమనే సామెతను నిజం చేస్తున్న ఈ భామలు, ఇప్పటికైనా తమ ధోరణి మార్చుకుంటారేమో చూడాలి.