Katrina – Vicky Kaushal: దీపావళి సర్‌ప్రైజ్.. కొడుకు ముఖాన్ని చూపించిన కత్రినా-విక్కీ! పిక్ చూశారా?
- Follow Us :
-
-
Add as a preferred
source on google
Katrina – Vicky Kaushal: బాలీవుడ్ స్టార్ జంట కత్రినా కైఫ్, విక్కీ కౌశల్ అభిమానులకు దీపావళి పండుగ పూట అదిరిపోయే సర్‌ప్రైజ్ ఇచ్చారు. వాళ్లకి బాబు పుట్టినప్పటి నుంచి ఎలా ఉంటాడో చూడాలని ఎదురుచూస్తున్న ఫ్యాన్స్‌కు తీపి కబురు చెప్పారు. తొలిసారి తమ ముద్దుల కొడుకు విహాన్ ఫొటోను సోషల్ మీడియాలో షేర్ చేశారు.
నవంబర్ 7న బాబు మొదటి పుట్టినరోజు జరిగింది. సరిగ్గా ఆ మరుసటి రోజే దీపావళి పండుగ రావడంతో ఈ జంట ఓ క్యూట్ ఫ్యామిలీ ఫొటోను ఇన్‌స్టాగ్రామ్‌లో పోస్ట్ చేసింది. “మా జీవితాల్లో ఇదే అత్యంత వెలుగుల దీపావళి.. మీ అందరికీ ప్రేమ, సంతోషం కలగాలని కోరుకుంటున్నాం.. ఇట్లు విక్కీ, కత్రినా, విహాన్” అని క్యాప్షన్ రాసుకొచ్చారు.
ఈ ఫొటోలో బుల్లి విహాన్ తెల్లటి కుర్తా, పసుపు రంగు బండి వేసుకుని ముద్దుగా నవ్వుతూ కనిపించాడు. విక్కీ, కత్రినా కూడా మ్యాచింగ్ డ్రెస్సుల్లో పక్కనే కూర్చున్నారు. కెమెరా వైపు చూస్తూ విహాన్ నవ్విన నవ్వుకు నెటిజన్లు ఫిదా అయిపోతున్నారు. ‘చూడ్డానికి అచ్చం అమ్మ కత్రినాలాగే ఉన్నాడు’ అంటూ కామెంట్లు పెడుతున్నారు. ఇప్పటివరకు బాబు ముఖం చూపించకపోవడంతో, తొలిసారి ఈ ఫొటో బయటకు రావడంతో అభిమానులు, సినీ సెలబ్రిటీలు బాబుకు ఆశీస్సులు చెబుతూ తెగ షేర్ చేస్తున్నారు.