Wamiqa : చేసిన సినిమాలు అలా.. కంప్లీటైన సినిమాలు.. పరిస్థితి మరోలా

ఇండస్ట్రీలో ఎన్నాళ్ల నుండి కొనసాగుతున్నా సరైన ఐడెంటిటీ కావాలంటే ఓ బ్రేక్ రావాలి. అలాంటి బ్రేకే వచ్చింది వామికా గబ్బీకి బేబీ జాన్ రూపంలో. సినిమా రిజల్ట్ సంగతి పక్కన పెడితే భీభత్సమైన ఆఫర్లను తెచ్చిపెట్టింది. కానీ ఏం లాభం బ్యాడ్ టైం ఆమెను వెంటాడుతోంది. కంప్లీటైన చిత్రాలు థియేటర్లకు రాక, చేతిలో ఉన్న ప్రాజెక్టుల భవితవ్యం తేలక గందరగోళ పరిస్థితిని ఎదుర్కొంటోంది.

Also Read : Thug Life : రికార్డ్ ధర పలికిన తగ్ లైఫ్.. టెలివిజన్ రైట్స్

బేబీ జాన్ ప్లాపుల జాబితాలోకి చేరడంతో రాజ్ కుమార్ రావ్‌తో జోడీ కట్టిన ‘భూల్ చుక్ మాఫ్’ పై హోప్స్ పెట్టుకుంది. తీరా ఇప్పుడు ఈ సినిమా థియేటర్ల నుండి తప్పుకుని ఓటీటీకి యూటర్న్ తీసుకుంది. ఇక తమిళంలో ఎప్పుడో కంప్లీట్ చేసిన ఇరవకాలం అయితే పత్తానే లేదు. వస్తుందో రాదో కూడా డౌటే. ఎస్ జే సూర్య హీరోగా చేసిన ఇరవకాలం 2018 నుండి విడుదలకు నోచుకోవడం లేదు. 2023లో స్టార్టైన జయం రవి ఫిల్మ్ జీని కూడా ఇంకా షూటింగ్ కంప్లీట్ కాలేదు. వామికా దశాబ్దన్నర కాలం నుండి యాక్టింగ్ చేస్తున్నప్పటికీ ఓన్ ఇండస్ట్రీ పంజాబీలో తప్ప మిగిలిన ఇండస్ట్రీలో పెద్దగా సత్తా చాటలేకపోతుంది. అయినప్పటికీ మేడమ్ చేతిలో ఆఫర్లకు వచ్చిన ఢోకా లేదు. అరడజనుకు పైగా చిత్రాలున్నాయి. పంజాబీ మూవీ కిక్లీ రిలీజ్‌కు రెడీగా ఉంది. ఇక హిందీలో భూత్ బంగ్లా, దిల్ కా ధర్వాజా ఖోల్ నా డార్లింగ్ చేస్తోంది. మలయాళంలో టికి టాకాకు కమిటైంది. తెలుగులో సుమారు దశాబ్ద కాలం తర్వాత గూడఛారి2లో యాక్ట్ చేస్తోంది. అడవి శేష్ ప్రెస్టిజియస్ ప్రాజెక్టులో ఫీమేల్ లీడ్‌గా యాక్ట్ చేస్తోంది. వీటిలో ఒక్కటైనా వామికాను సక్సెస్ ట్రాక్ ఎక్కిస్తాయో లేదో.