Thalaivar 171: రజినీకాంత్ కోసం కోలీవుడ్ న్యాచురల్ స్టార్ ని దించిన లోకేష్ కనగరాజ్

సూపర్ స్టార్ రజినీకాంత్-లోకేష్ కనగరాజ్ కాంబినేషన్ లో ఒక ప్రాజెక్ట్ అఫీషియల్ గా అనౌన్స్ అయ్యింది. తలైవర్ 171 అనే వర్కింగ్ టైటిల్ తో సన్ పిక్చర్స్ బ్యానర్ ప్రొడ్యూస్ చేయనున్న ఈ మూవీపై అనౌన్స్మెంట్ తో ఆకాశాన్ని అంచనాలు ఏర్పడ్డాయి. ఈ రేంజ్ హైప్ అనౌన్స్మెంట్ తోనే ఇంకో ప్రాజెక్ట్ కి రాలేదు. ‘కోడ్ రెడ్’ అనే టైటిల్ కోలీవుడ్ లో వినిపిస్తుంది కానీ లోకేష్ సైడ్ నుంచి ఎలాంటి హింట్ బయటకి రాలేదు. కోడ్ రెడ్ టైటిల్ అయ్యి… రజినీకాంత్ గ్యాంగ్ స్టర్ అయితే మాత్రం తలైవర్ 171 సినిమా కోలీవుడ్ నుంచి మొదటి వెయ్యి కోట్లు కలెక్ట్ చేసిన సినిమా అవ్వడం పక్కా. రజినీకాంత్ లోని నెగటివ్ షేడ్ యాక్టింగ్ కి సూపర్బ్ ఫ్యాన్ బేస్ ఉంది. ఆ షేడ్ ని కంప్లీట్ గా టచ్ చేస్తాను అంటూ లోకేష్ ఆల్రెడీ చెప్పేసాడు కాబట్టి తలైవర్ 171 సినిమా పక్కాగా యాక్షన్ బ్యాక్ డ్రాప్ లో ఉండే సినిమానే అవుతుంది. లోకేష్… తన సినిమాటిక్ యూనివర్స్ నుంచి పక్కకి వచ్చి చేస్తున్న ఈ సినిమాలో సాలిడ్ కాస్టింగ్ ఉంటుందట.

తలైవర్ 171 కాస్టింగ్ కి సంబంధించిన ఒక ఇంట్రెస్టింగ్ అప్డేట్ బయటకి వచ్చింది. రజినీకాంత్ కోసం శివ కార్తికేయన్ ని రంగంలోకి దించాడట లోకేష్ కనగరాజ్. ఇప్పటికే శివ కార్తికేయన్ తో అగ్రీమెంట్స్ కూడా కంప్లీట్ అయ్యాయని సమాచారం. కోలీవుడ్ లో న్యాచురల్ స్టార్ గా పేరు తెచ్చుకున్న శివ కార్తికేయన్… జైలర్ సినిమాలోనే రజినీకాంత్ కి కొడుకుగా నటించాల్సి ఉంది కానీ అది వర్కౌట్ అవ్వలేదు. ఈసరి మాత్రం రజినీకాంత్-శివ కార్తికేయన్ కాంబినేషన్ మిస్ అయ్యేలా కనిపించట్లేదు. ఈ విషయంలో కన్ఫర్మేషన్ రావాలి అంటే సన్ పిక్చర్స్ నుంచి అనౌన్స్మెంట్ వచ్చే వరకూ వెయిట్ చేయాల్సిందే.