Sushanth : పట్టు వీడని సుశాంత్!
- Follow Us :
-
-
Add as a preferred
source on google
నవతరం కథానాయకుల్లో సుశాంత్ ఇంకా తగిన గుర్తింపు కోసం కృషి చేస్తూనే ఉన్నాడు. కాళిదాస్తో మొదలైన సుశాంత్ నటనాప్రస్థానం ఇప్పటికీ కొనసాగుతూనే ఉంది. సినీజనం కోరుకొనే బిగ్ హిట్ ఆయన ఖాతాలో ఇంకా చేరలేదనే చెప్పాలి. అయితే నటునిగా మాత్రం ఇప్పటి దాకా నటించిన చిత్రాల ద్వారా మంచి మార్కులే సంపాదించాడు సుశాంత్. త్రివిక్రమ్ తెరకెక్కించిన అల...వైకుంఠపురములో సుశాంత్ గెటప్ బాగుందని అతను అలా కంటిన్యూ అయిపోతే మరిన్ని మంచిపాత్రలు దరి చేరుతాయని సినీజనం అంటున్నారు. ప్రస్తుతం సుశాంత్ రవితేజ హీరోగా తెరకెక్కుతోన్న రావణాసురలో రాముని పాత్రలో నటిస్తున్నాడు. ఈ సినిమా కూడా సుశాంత్ కు మంచి మార్కులు అందిస్తే, తప్పకుండా సుశాంత్ తనకంటూ ఓ స్థానం సంపాదించుకున్నవాడు అవుతాడు. చిత్రసీమలోనే కాదు, ఏ రంగంలోనైనా రాణించాలంటే గుమ్మడి కాయంత ప్రతిభ కన్నా ఆవగింజంత అదృష్టం ఉండాలంటారు. కానీ, కృషిని నమ్మిన వారికి సినిమా రంగం తప్పకుండా అవకాశాలు కల్పిస్తుందని ఎందరి జీవితాలో నిదర్శనంగా నిలిచాయి. సుశాంత్ తనపై తనకున్న విశ్వాసంతోనే ముందుకు సాగుతున్నాడు.
తల్లివైపు తాత మహానటుడు అక్కినేని నాగేశ్వరరావు, తండ్రి వైపు తాత పేరుమోసిన ప్రసాద్ ఆర్ట్ పిక్చర్స్ అధినేత ఏ.వి.సుబ్బారావు – ఇరువైపులా సినిమా వాతావరణమే! మరి సుశాంత్ మనసు సినిమా రంగంవైపు పరుగులు తీయకుండా ఉంటుందా? పైగా మేనమామ నాగార్జున టాలీవుడ్ టాప్ స్టార్స్ లో ఒకరు. గ్లామర్ ఫీల్డ్ కు ఎట్రాక్ట్ కాకుండా ఉండలేరు కదా! సుశాంత్ సైతం అదే చేశాడు. తొలి చిత్రం కాళిదాస్లోనే బ్లడ్ బాయిలవుతుంది... అంటూ మాస్ ను ఆకట్టుకొనే ప్రయత్నం చేశాడు. రెండో సినిమా కరెంట్లో సింగిల్ హ్యాండ్ స్టాండ్ తో అబ్బో అనిపించాడు. అడ్డా, ఆటాడుకుందాం రా వంటి చి్త్రాల్లోనూ హీరోగా అలరించే ప్రయత్నం చేశాడు. కానీ, చి.ల.సౌ. సుశాంత్ కు హీరోగా తగిన విజయాన్ని అందించింది.
Also Read
- NTR Dragon: ‘ధురంధర్’ ఫార్ములాను ఫాలో అవుతున్న ఎన్టీఆర్ ‘డ్రాగన్’!
- Gopichand: విలన్గా గోపీచంద్ రీ-ఎంట్రీ? అసలు నిజం బయటపెట్టిన టీమ్!
- Dhanush: ‘ఓం’ రిలీజ్ వేళ ధనుష్ స్పెషల్ నోట్.. ఫ్యాన్స్కు కీలక విజ్ఞప్తి!
- Dia Mirza : "అతనితో పనిచేయడం ఒక పీడకల".. స్టార్ యాక్టర్'పై నటి సంచలనం.. బాలీవుడ్లో అసలేం జరుగుతోంది?
అదే సమయంలో త్రివిక్రమ్ రూపొందించిన అల..వైకుంఠపురములో చిత్రంలో కీలక పాత్రలోనే కనిపించి అలరించాడు సుశాంత్. ఆ సక్సెస్ సుశాంత్ లో కాన్ఫిడెన్స్ పెంచింది. కానీ, ఇచ్చట వాహనములు నిలుపరాదు మాత్రం నిరుత్సాహ పరచింది. ఈ నేపథ్యంలో హీరోగా కంటే నటునిగా మంచి మార్కులు సంపాదించాలనే సుశాంత్ అభిలాషను అభినందించి తీరవలసిందే. రవితేజ రావణాసురలో రామునిలాంటి పాత్రలో సుశాంత్ కు ఓ మంచి అవకాశం దొరికింది. ఈ ప్రయత్నంలోనూ సుశాంత్ మంచి మార్కులు సంపాదించాలని తపిస్తున్నాడు. ఆ ప్రయత్నం ఫలించి, సుశాంత్ తపనకు తగ్గ పాత్రలు భవిష్యత్ లో మరిన్ని పలకరించాలని, నటనలో తనకంటూ ఓ గుర్తింపు సంపాదించుకుంటాడని ఆశిద్దాం.
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Ind Vs NZ: వెల్లింగ్టన్ టెస్టుకు ముందు టీమిండియాకు ఎదురుదెబ్బ.. ఫీజులో 35 శాతం కోత..
-
CM Revanth Reddy : ఎస్సీ, ఎస్టీల సంక్షేమంలో ముందున్నాం
-
NTR Dragon: ‘ధురంధర్’ ఫార్ములాను ఫాలో అవుతున్న ఎన్టీఆర్ ‘డ్రాగన్’!
-
Uttam Kumar Reddy : నీటి హక్కులపై వెనక్కి తగ్గేది లేదు.. బీఆర్ఎస్పై ఉత్తమ్ ఫైర్
-
AP Police: ఏపీ పోలీసుల సంచలన ఆపరేషన్.. మారేడుమిల్లి అడవుల్లో మావోయిస్టు డంప్ స్వాధీనం..
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..