Thaman: అందరి ముందు.. తేజ్ గాడు పరువు తీసేశాడుగా..

SS.Thaman: టాలీవుడ్ ఇండస్ట్రీలో చాలా స్నేహితులను చూస్తూనే ఉంటాం. అందులో మెగా మేనల్లుడు సాయి ధరమ్ తేజ్ కు బెస్ట్ ఫ్రెండ్ అనగానే టక్కున మ్యూజిక్ డైరెక్టర్ థమన్ గుర్తొచ్చేస్తాడు. వారిద్దరి మధ్య బాండింగ్ అలా ఉంటుంది. నిత్యం వీరిద్దరూ ఎక్కడో ఒక చోట వీరి గ్యాంగ్ తో ఛిల్ల్ అవుతూ కనిపిస్తూ ఉంటారు. ముఖ్యంగా వీరు క్రికెట్ ఆడుతూ కనిపిస్తారు. థమన్ కు క్రికెట్ అంటే ఎంత పిచ్చో ప్రత్యేకంగా చెప్పాల్సిన అవసరం లేదు. ఇక వీరి బాండింగ్ ఎంతలా ఉంటుంది అంటే.. ఒకరి మీద ఒకరు సెటైర్ లు వేసుకునేలా. తాజాగా స్టేజిమీద థమన్ పరువు తీసేశాడు తేజ్. గతరాత్రి బ్రో ప్రీ రిలీజ్ ఈవెంట్ లో థమన్, తేజ్ పాల్గొన్న విషయం తెల్సిందే. బ్రో సినిమాలో తేజ్ హీరోగా నటించగా.. థమన్ సంగీతం అందించాడు.

Jailer: తలైవా ముందు ఎవ్వడైనా ‘జూజూబీ’ యేరా..

ఇక ఈ ఈవెంట్ లో థమన్ లైవ్ బ్యాండ్ చేస్తూ.. తేజ్ ను స్టేజి మీదకు పిలవడంతో అక్కడకు వచ్చిన తేజ్.. ఒక్కసారిగా మైక్ తీసుకొని.. వీడు నా ఫ్యాన్ కాదు.. నా ఫ్రెండ్ అని చెప్పాడు. దీంతో స్టేజి అంతా నవ్వులు విరిశాయి. అదేంటి.. అంత మాట అన్నాడు. అసలు తేజ్ చెప్పినదానికి అర్ధం ఏంటి అని అభిమానులు ఆరా తీయగా.. ఒక వీడియో బయటపడింది. అందులో థమన్.. తాను మ్యూజిక్ అందించిన ప్రతి హీరో సినిమా ఈవెంట్ లో ఈ హీరోకే తనకు ఫ్యాన్ అని చెప్పుకు రావడం కనిపించింది. ఇక ఆ వీడియో ఎప్పటి నుంచో ట్రోల్ అవుతుంది. ఇక తేజ్ ఈ విధంగా చెప్పాడు అంటే.. ఆయన కూడా ఆ ట్రోల్ వీడియోను చూసి ఉంటాడని, అందుకే ఫ్రెండ్ పై సెటైర్ వేశాడని చెప్పుకొస్తున్నారు. ఇక ఛీ.. ఛీ అందరి ముందు తేజ్ గాడు పరువు తీసేశాడుగా.. అని థమన్ బాధపడుతున్నట్లు మీమ్స్ వేస్తూ నెట్టింట అభిమానులు నవ్వుకుంటున్నారు.

🤣🤣🤣 https://t.co/BO2DgvWk2S pic.twitter.com/rhi7g7vK5g

— ʌınɐʎ (@CoolestVinaay) July 25, 2023