Off The Record : పెద్దవాగులో నీళ్లకు బదులు రాజకీయం! దేవరకద్రలో పొలిటికల్ హీట్!
- దేవరకద్ర నియోజకవర్గం పెద్దవాగు చుట్టూ రాజకీయం
- కాంగ్రెస్ వల్లే వాగు ఎండిందని బీఆర్ఎస్ పాదయాత్ర
- ముందు చూపులేకుండా ఎండబెట్టారంటున్న విపక్షం
- బీఆర్ఎస్ హయాంలో సాధ్యమైన నీటి తరలింపు ఇప్పుడేమైందని ప్రశ్న
- విపక్షానికి ఎమ్మెల్యే మధుసూదన్రెడ్డి వర్గం కౌంటర్స్
- ప్రకృతి విపత్తు వస్తే రైతుల్ని రెచ్చగొడుతున్నారని విమర్శలు
- నాడు నల్లమట్టి అమ్మకం, చెక్డ్యామ్స్ నిర్మాణంలో అవినీతి అని ఆరోపణలు
- పెద్దవాగులో నీళ్ళకు బదులు పారుతున్న రాజకీయం
- Follow Us :
-
-
Add as a preferred
source on google
Off The Record: దేవరకద్ర నియోజకవర్గంలో రాజకీయ రచ్చకు పెద్ద వాగు కేంద్ర బిందువైంది. కృష్ణా జలాలు పారించాలని డిమాండ్ చేస్తూ… మాజీ ఎమ్మెల్యే ఆల వెంకటేశ్వర్ రెడ్డి వట్టి పోయిన వాగులో పాదయాత్ర చేపట్టారు. మూసాపేట మండలం నిజాలపూర్ శివారు నుండి కందూరు వరకు రైతులు, బీఆర్ఎస్ శ్రేణులతో కలిసి నడవడం రాజకీయ రచ్చకు దారితీసింది. గతంలో తమ హయాంలో ఘనపురం బ్రాంచ్ కెనాల్ నుంచి పెద్ద వాగులోకి కృష్ణా జలాలు పారిస్తూ.. వాగుకు ఊపిరి పోశామని , దీంతో పెద్దవాగు పరిసర ప్రాంతాల్లో భూగర్బ జలాలు కూడా పెరిగాయని, ఎలాంటి నీటి కష్టాలు లేకుండా రైతులు సాగు చేసేవారని అంటున్నారు బీఆర్ఎస్ లీడర్స్. ప్రస్తుతం శ్రీశైలంలో నీళ్ళున్నాయి…కల్వకుర్తి ఎత్తిపోతల మోటర్లు రన్ అవుతున్నప్పటికీ ..పెద్ద వాగుకు నీళ్ళు ఎందుకు రాలేదన్నది వాళ్ల ప్రశ్న.
ఇది కాలం తెచ్చిన కరువు కాదని.. కాంగ్రెస్ నేతలు ముందు చూపు లేని కారణంగా ఏర్పడ్డ దుస్థితి అంటూ సిట్టింగ్ ఎమ్మెల్యే మధుసూధన్ రెడ్డి టార్గెట్గా విమర్శలు గుప్పిస్తున్నారు. వాగును ఎండబెట్టి ఇసుక మాఫియాకు సహకరిస్తున్నారంటూ ఎమ్మెల్యేను ఇరుకున పెట్టే ప్రయత్నం చేశారు మాజీ శాసనసభ్యుడు. గత బీఆర్ఎస్ పాలనలో సాధ్యమైన నీటి తరలింపు.. ఇప్పుడెందుకు కావట్లేదని గులాబీ నాయకుడు గుస్సా చేయడం దేవరక్ర రాజకీయాల్లో కాక పుట్టిస్తోంది. అయితే పెద్దవాగులో బీఆర్ఎస్ నేతలు చేపట్టిన పాదయాత్ర , చేసిన విమర్శలకు సిట్టింగ్ ఎమ్మెల్యే మధుసూదన్ రెడ్డి అండ్ టీం గట్టి కౌంటర్లు ఇస్తోంది. ఆల వెంకటేశ్వర్ రెడ్డి పదేళ్లు అధికారంలో ఉండి నియోజకవర్గానికి ఒరగబెట్టిందేమీ లేదంటోంది ఎమ్మెల్యే వర్గం. దేశవ్యాప్తంగా ఎల్నినో ప్రభావంతో వచ్చిన కరువు పరిస్థితులను రాజకీయం చేస్తున్నారంటూ మండిపడుతోంది. ప్రకృతి విపత్తును ఆసరాగా చేసుకొని రైతులను రెచ్చగొడుతూ రాజకీయ లబ్ది పొందాలని చూస్తున్నారంటూ బీఆర్ఎస్ నేతల వైఖరిని తప్పుబడుతున్నారు ఎమ్మెల్యే మధుసూదన్ రెడ్డి.
Also Read
ఇక ఇదే సమయంలో పాలమూరు రంగారెడ్డి ప్రాజెక్ట్ పూర్తి చేయకుండా …జిల్లాకు తీవ్ర అన్యాయం చేశారని, ఆల వెంకటేశ్వర్ రెడ్డి ఎమ్మెల్యేగా కొనసాగినప్పుడు హామీలిచ్చి నెరవేర్చలేదంటు రివర్స్ పంచ్లు విసురుతున్నారు. అప్పట్లో చెరువుల్లో నల్లమట్టి అమ్ముకుని, చెక్ డ్యాంల నిర్మాణం మాటున అవినీతి చేశారంటూ ఆరోపణలు గుప్పిస్తున్నారు దేవరకద్ర ఎమ్మెల్యే జీయంఆర్. పెద్ద వాగులో జరిగిన రాజకీయ రచ్చ నియోజకవర్గం వ్యాప్తంగా చర్చనీయాంశమవుతోంది. అయితే… ఈ ఆరోపణలు, ప్రత్యారోపణలు, విమర్శలన్నీ ఒక ఎపిసోడ్ మాత్రమేనని, అంతకు ముందు రాజకీయాన్ని దాటి పర్సనల్గా వెళ్ళిన ఉదంతాలను గుర్తు చేసుకుంటున్నారు స్థానికులు. ఇక ఇదే సమయంలో ప్రతి సందర్భంలోనూ దేవరకద్ర నియోజకవర్గంలో రంజుగా మారుతున్న రాజకీయాన్ని గుర్తు చేస్తూ… అసెంబ్లీ ఎన్నికలకు గడువు దగ్గరయ్యేకొద్దీ… ఇది ఇంరెలా మారుతుందోనంటూ ఉత్కంఠగా గమనిస్తున్నాయి రాజకీయవర్గాలు.
తాజావార్తలు
-
Rohit Sharma Golden Duck: తొలి బంతికే గోల్డెన్ డక్.. ఆ ఇద్దరు అన్నిసార్లా.. భారత బ్యాటర్ల లిస్ట్ ఇదే!
-
Rahul Gandhi vs PM Modi: ప్రధాని మోడీ నా ఫోన్ ట్యాప్ చేస్తున్నారు.. రాహుల్ గాంధీ సంచలన ఆరోపణలు!
-
AP Panchayat Elections 2026: ఏకగ్రీవ పంచాయతీలకు గుడ్న్యూస్.. భారీగా పెరిగిన ప్రభుత్వ నజరానా!
-
Big Action Against Zakir Naik: జాకిర్ నాయక్కు భారీ షాక్.. IRFపై నిషేధం మరో ఐదేళ్లు పొడిగించిన కేంద్రం!
-
IND vs NZ: గుర్నూర్ బ్రార్, సీఫెర్ట్ మధ్య గొడవ.. శాంతిదూతలా మారిన కోహ్లీ.. అసలు ఏం జరిగింది? (వీడియో)
ట్రెండింగ్
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?
-
Moringa Soup: ఖరీదైన స్కిన్ కేర్ ప్రొడక్ట్స్ వద్దు.. వింటర్లో బుగ్గలపై సహజమైన ఎరుపుదనం తెచ్చే సూప్ ఇదే..
-
Cigarette Prices Hike: ధూమపాన ప్రియులకు షాక్.. మరోసారి సిగరెట్ల ధరల బాదుడు..! ఒక్క ప్యాకెట్పై ఏకంగా..