Jailer: తలైవా ముందు ఎవ్వడైనా ‘జూజూబీ’ యేరా..

Jailer: సూపర్ స్టార్ రజినీకాంత్ ఈ వయస్సులో కూడా వరుస సినిమాలతో దూసుకువెళ్తున్నాడు. ప్రస్తుతం ఆయన నటిస్తున్న చిత్రాల్లో జైలర్ ఒకటి. బీస్ట్ సినిమాతో భారీ పరాజయాన్ని అందుకున్న నెల్సన్ దిలీప్ కుమార్ దర్శకత్వం వహిస్తున్న ఈ చిత్రాన్ని కళానిధి మారన్ సమర్పణలో సన్ పిక్చర్స్ ప్రతిష్టాత్మకంగా నిర్మిస్తున్నారు. ఇప్పటికే ఈ సినిమా నుంచి రిలీజైన సాంగ్స్, టీజర్ ప్రేక్షకులను విశేషంగా ఆకట్టుకున్నాయి. ఇక ఈ సినిమాలో రజినీ సరసన తమన్నా నటిస్తుండగా.. మోహన్ లాల్. రమ్యకృష్ణ, జాకీ ష్రాఫ్, సునీల్.. తదితరులు కీలక పాత్రలో నటిస్తున్నారు. ఆగస్టు 10 న ఈ సినిమా అన్ని భాషల్లో రిలీజ్ కానుంది. రిలీజ్ డేట్ దగ్గరపడుతుండటంతో ప్రమోషన్ల జోరును పెంచిన మేకర్స్ .. ఈ సినిమాలోని ఒక్కో సాంగ్ ను రిలీజ్ చేస్తున్నారు. జైలర్ నుంచి ఈ మధ్యనే రిలీజ్ అయిన కావాలయ్యా సాంగ్ ఎంతటి సంచలనాన్ని సృష్టించిందో ప్రత్యేకంగా చెప్పాల్సిన అవసరం లేదు. ఇక తాజాగా ఈ సినిమా నుంచి జూజూబీ అంటూ సాగే సాంగ్ ను మేకర్స్ రిలీజ్ చేసారు.

Varun Tej: మెగా ప్రిన్స్.. బాలీవుడ్ హాట్ బ్యూటీతో రొమాన్స్ అంటే.. మాములుగా ఉండదేమో

తమిళ్ వెర్షన్ లో రిలీజ్ అయిన ఈ సాంగ్ ఆద్యంతం ఆకట్టుకొంటుంది. అనిరుధ్ రవిచంద్రన్ సంగీతం అందించిన ఈ సాంగ్ ను ఢీ తన హస్కి వాయిస్ తో పాడి మరింత మెస్మరైజ్ చేసింది. ఢీ అంటే ఎవరో గుర్తురాలేదా.. ? అదేనండీ.. దసరా సినిమాలో చమ్కీల అంగీయేసి ఓ వదినే అంటూ పాడిన సింగర్ ఆమెనే. ఇక ఈ వీడియోలో రజినీ చాలా స్టైలిష్ గా కనిపించాడు. విలన్స్ కు చెమటలు పట్టించడానికి వెళ్తున్నట్లు కనిపించాడు. అక్కడ ఎంతమంది ఉన్నా.. తలైవా ముందు జూజూబీయేరా అన్న తరహాలో సాంగ్ అదిరిపోయింది. ప్రస్తుతం ఈ సాంగ్ నెట్టింట వైరల్ గా మారింది. మరి ఈ సినిమాతో పరాజయంలో ఉన్న నెల్సన్.. పరాజయాల బాటలో నడుస్తున్న తలైవాకు హిట్ ను ఇస్తాడా.. ? లేదా.. ? అనేది తెలియాలి.