Sridevi: శ్రీదేవి చివరి ఫోటో.. కన్నీళ్లు ఆగడం లేదే

Sridevi: అందానికి పేరు అంటూ ఉంటే దానిపేరు కచ్చితంగా శ్రీదేవి అని ఉండేదేమో. బహుశా దేవలోకం నుంచి తప్పించుకొని భూమి మీద పడ్డ దేవకన్యనా అని అనిపించకమానదు ఆమెను చూస్తే.. అందుకే సినీలోకం ఆమెకోసమే రాసారేమో.. అసలు భూలోకం ఇలాంటి సిరి చూసి ఉంటదా కనక ఈ చిత్రం స్వర్గానికి చెంది ఉంటదా అని.. కానీ ఆ అతిలోక సుందరి అందరిని విడిచి స్వర్గానికి వెళ్లి ఐదేళ్లు అయిపోయింది. ఇప్పటికీ ఆమె లేదు అంటే జీర్ణించుకోవడం కష్టమే అని చెప్పాలి. నేడు శ్రీదేవి ఐదవ వర్ధంతి. ఇదే రోజు ఆమె దుబాయ్ లో ఒక పెళ్ళికి వెళ్లి.. అక్కడ హోటల్ లోని బాత్ రూమ్ లో గుండెపోటుతో ప్రాణాలు విడిచింది. ఒక్కసారిగా ఆమె మృతితో సినిమా ఇండస్ట్రీ చీకటిగా మారిపోయింది. ఎన్ని వేల సినిమాలు.. ఎన్ని భాషలు.. ఎంతమంది హీరోలు.. ఆమెలేని లోటు ఇప్పటికే కాదు ఎప్పటికి ఎవరు తీర్చలేరు. ఇక నేడు ఆమె వర్ధంతి కావడంతో అభిమానులు మరోసారి శ్రీదేవిని తలుచుకుంటున్నారు. బాలనటిగా ఇండస్ట్రీలో అడుగుపెట్టిన శ్రీదేవి.. 16 ఏళ్లకే హీరోయిన్ గా మారడం.. స్టార్ హీరోలందరి సరసన నటించి మెప్పించింది.

Trivikram: పూజాకు రెండు కోట్ల కారు గిఫ్ట్ ఇచ్చిన త్రివిక్రమ్..?

ఎన్నో రికార్డులు శ్రీదేవి పేరు మీద ఉన్నాయి. శ్రీదేవి చిన్నతనం నుంచి చనిపోయేవరకు కూడా ఆమె సినిమా రంగంలోనే ఉంది. ఇక శ్రీదేవి చివరి కోరిక.. కూతురు జాన్వీ కపూర్ ను హీరోయిన్ గా చూడడం. అది చూడకుండానే ఆమె మృతి చెందింది. ఇక తన తల్లిని ఇద్దరు కూతుళ్లు మర్చిపోలేక పోతున్నారు అని చెప్పడంలో అతిశయోక్తి లేదు. ముఖ్యంగా జాన్వీ నిత్యం తన తల్లికి సంబంధించిన ఏదొక విషయాన్నీ నెమరువేసుకొంటూనే ఉంటుంది. ఇక శ్రీదేవి భర్త బోనీకపూర్.. ఆమె లేదు అని జీర్ణించుకోవడానికి ఆయనకు చాలానే టైమ్ పట్టింది. ఇక తాజాగా బోనీ శ్రీదేవి చివరి ఫోటోను షేర్ చేశాడు. దుబాయ్ లో బంధువుల పెళ్ళిలో అతిలోక సుందరి ఎంతో ఆనందంగా గడిపింది. ఆ నవ్వు.. మరికొద్దిసేపటిలో ఉండదు అని తెలియని కుటుంబం.. అంతో జోకులు వేస్తూ కనిపించారు. ప్రస్తుతం ఈ ఫోటోలు చూస్తుంటే ప్రతి ఒక్కరి కళ్లు చెమ్మగిల్లుతున్నాయి అని అభిమానులు చెప్పుకొస్తున్నారు.