Salaar: ‘సలార్‌’ వల్ల కొత్త తలనొప్పి… ఆ సినిమాలన్నీ వెనక్కేనా?

పాన్ ఇండియా స్టార్ ప్రభాస్ సాలిడ్ కంబ్యాక్‌ అయ్యే సినిమా ‘సలార్’ అని ఎప్పుడో ఫిక్స్ అయిపోయారు ప్రభాస్ ఫ్యాన్స్. కెజియఫ్ చాప్టర్ 2 చూసిన తర్వాత… ప్రశాంత్ నీల్ తమ హీరోకి ఇచ్చే ఎలివేషన్ ఎలా ఉంటుందోనని… ఈగర్‌గా వెయిట్ చేస్తున్నారు. ఈ సినిమా మాత్రం అనుకున్న సమయానికి రిలీజ్ అవడం లేదు. అన్ని అనుకున్నట్టుగా జరిగి ఉంటే.. వచ్చే వారంలో బాక్సాఫీస్ బద్దలై ఉండేది కానీ సెప్టెంబర్ 28 నుంచి పోస్ట్‌పోన్ అయిపోయింది సలార్. ఇంకా కొత్త రిలీజ్ డేట్ మాత్రం అనౌన్స్ చేయడం లేదు మేకర్స్. నవంబర్, డిసెంబర్, సంక్రాంతి, రిపబ్లిక్ డే.. ఇలా అన్నింటిని సలార్ టార్గెట్ చేసిందని ప్రచారం జరుగుతోంది కానీ క్లారిటీ రావడం లేదు. ఇదే ఇప్పుడు మిగతా హీరోలకు తలనొప్పిగా మారింది.

Read Also: Prabhas: ‘కల్కి’ సీరియస్ వార్నింగ్!

ఇప్పటికే పక్కా ప్లానింగ్‌తో నవంబర్, డిసెంబర్, సంక్రాంతికి రిలీజ్ అయ్యేలా తమ తమ సినిమాల డేట్స్‌లను లాక్ చేసుకున్నారు మేకర్స్. ఒకవేళ తాము అనుకున్న తేదీల్లో సలార్ రిలీజ్ అయితే.. మరో కొత్త డేట్‌ను వెతుక్కోవాల్సిందే. ముఖ్యంగా సంక్రాంతి సీజన్‌ను సలార్ టార్గెట్ చేస్తే.. మిగతా సినిమాల పరిస్థితేంటి? అనేది తేలడం లేదు. ఇదే నిజమైతే… డిస్ట్రిబ్యూటర్స్, నిర్మాతలకు కొత్త తలనొప్పులు తప్పవు. ముఖ్యంగా సలార్‌ను నమ్ముకొని బిజినెస్ చేసిన వారికి ఇది మరింత తలనొప్పిగా మారుతోంది. హోంబలే ఫిలింస్ నుంచి క్లారిటీ కావాలంటూ… వాళ్లు కాస్త గట్టిగానే డిమాండ్ చేస్తున్నారట. అయినా కూడా ఎలాంటి అప్డేట్ ఇవ్వడం లేదట కానీ సోషల్ మీడియా బజ్ ప్రకారం.. డిసెంబర్ లేదా కల్కి ప్లేస్‌లో సంక్రాంతికి సలార్ వచ్చే ఛాన్స్ ఉందని తెలుస్తోంది.