Rudrangi Trailer: జగ్గు భాయ్.. విలనిజంతోనే భయపెట్టి చంపేసేలా ఉన్నాడు

Rudrangi Trailer:విలక్షణ నటుడు జగపతిబాబు రీ ఎంట్రీలో సైతం అదరగొడుతున్నాడు. విలన్ గా, సపోర్టింగ్ రోల్స్ లో తనదైన నటనతో మెప్పిస్తున్నాడు. ఇప్పటికే స్టార్ హీరోలందరి సినిమాల్లో నటిస్తున్న ఆయన తాజాగా నటిస్తున్న చిత్రం రుద్రంగి. అజయ్ సామ్రాట్ దర్శకత్వం వహిస్తున్న ఈ చిత్రంలో జగపతిబాబు సరసన విమలా రామన్, మమతా మోహన్ దాస్ నటిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి. తాజాగా ఈ సినిమా ట్రైలర్ ను మేకర్స్ రిలీజ్ చేశారు. టైలర్ ఆద్యంతం ఆకట్టుకుంటుంది. ఒకప్పటి జమీందార్ లు ప్రజలను ఎలా హింసించేవారో కళ్ళకు కట్టినట్లు చూపించారు. ఇందులో జగపతి బాబు భీంరావ్ దొర గా కనిపిస్తున్నాడు.

Bhaag Saale: కీరవాణి కొడుకు సినిమాలో ఎన్టీఆర్, చరణ్… థియేటర్స్ లో నవ్వులే

రుద్రంగి అనే ఊరిలో అతడిని ఎదిరించి బతకడం అసాధ్యం. అతడు చెప్పిందే శాసనం.. అతడు గీసిందే గీత. దాన్ని దాటి బయటికి వస్తే మరణమే. ఇక అలాంటి క్రూర జమీందార్ ను ఎదురించి ఆ గ్రామ ప్రజలు ఎలా నిలబడ్డారు అనేది కథాగా తెలుస్తోంది. ఈ సినిమా అంతా తెలంగాణ 1950 ల కాలంలో జరిగినట్లు తెలుస్తోంది. ఇక జగపతిబాబు నటన అయితే సినిమాకు హైలెట్ గా నిలవనుందని తెలుస్తోంది. రసమయి ఫిల్మ్స్ బ్యానర్ లో తెలంగాణ ప్రముఖ గేయ రచయిత రసమయి బాలకిషన్ నిర్మించిన ఈ చిత్రం జూలై 7 న ప్రేక్షకుల ముందుకు రానుంది. మరి ఈ సినిమాతో జగపతిబాబు ఎలాంటి విజయాన్ని అందుకుంటాడో చూడాలి.