Raviteja: స్పీడుమీదున్న మాస్ మహారాజ.. ‘సితార’కి గ్రీన్ సిగ్నల్?

Raviteja signs a new film for Sithara Entertainments: ధమాకా, వాల్తేరు వీరయ్య లాంటి సినిమాలతో హిట్లు అందుకున్న రవితేజ మార్కెట్ కొంత పెరగడంతో ఇప్పటికే ఆయన రెమ్యునరేషన్ పెంచిన సంగతి తెలిసిందే. ఇక రావణాసుర సినిమా కొంత నిరాశపరిచినప్పటికీ ప్రస్తుతానికి రవితేజ మంచి జోష్ లోనే ఉన్నారు. ఇక తాజాగా ఆయన వరుసగా సినిమా కథలు వింటూ ఫైనల్ చేసే పనిలో పడ్డారు. ఆయన నటిస్తున్న టైగర్ నాగేశ్వరరావు అనే సినిమా త్వరలోనే ప్రేక్షకుల ముందుకు రాబోతోంది. రవితేజ కెరియర్ లో ఇప్పటికే పాన్ ఇండియా ప్రాజెక్టులు కొన్ని వచ్చినప్పటికీ టైగర్ నాగేశ్వరరావు ఒరిజినల్ పాన్ ఇండియా ప్రాజెక్ట్ అని చెబుతున్నారు. వాస్తవానికి టైగర్ నాగేశ్వరరావు సినిమా అక్టోబర్ నెలలో ప్రేక్షకుల ముందుకు రాబోతోంది. ప్రస్తుతానికి ఈ సినిమాకి సంబంధించిన షూటింగ్ అయితే జరుగుతోంది. ఈ క్రమంలో శరవేగంగా షూటింగ్ పూర్తి చేసే ప్రయత్నాలు అయితే చేస్తున్నారు. ఇక మరో పక్క ఈ సినిమా పూర్తయిన వెంటనే రవితేజ ఈగల్ అనే సినిమా షూట్ లో పాల్గొని పూర్తి చేయనున్నాడు.
Adipurush: ఆదిపురుష్ కలెక్షన్స్ వర్షం.. రెండు రోజుల్లో 240 కోట్లు
కార్తీక్ ఘట్టమనేని డైరెక్షన్లో ఈ సినిమా తెరకెక్కబోతోంది. సినిమాటోగ్రాఫర్ గా పలు సినిమాలకు పని చేసిన కార్తీక్ ఘట్టమనేని రవితేజతో ఈ సినిమా ప్లాన్ చేయడంతో అందరి దృష్టి ఈ సినిమా మీదనే ఉంది. అయితే మొత్తం మీద ఈ నవంబర్ నెలకు రవితేజ ఈ రెండు సినిమాల నుంచి ఫ్రీ అయిపోతాడు. అందుకే తర్వాత ఏం సినిమా చేయాలనే విషయం మీద ఆయన ఫోకస్ పెట్టినట్లుగా తెలుస్తోంది. తాజాగా టాలీవుడ్ వర్గాల్లో జరుగుతున్న ప్రచారం మేరకు సితార ఎంటర్టైన్మెంట్ సంస్థ ఆయనతో సినిమా చేసేందుకు ఆసక్తి చూపిస్తూ అప్రోచ్ అవ్వగా దానికి ఆయన గ్రీన్ సిగ్నల్ ఇచ్చినట్లు తెలుస్తోంది. ఈ సినిమాకు జివిఆర్ వాసు దర్శకుడిగా వ్యవహరించే అవకాశాలు కనిపిస్తున్నాయి. ఇప్పటికైతే స్క్రిప్ట్ లాక్ అవ్వలేదు కానీ స్క్రిప్ట్ లాక్ అయితే ఈ ఏడాది చివర్లో ఈ సినిమా సెట్స్ మీదకు వెళ్లే అవకాశం కనిపిస్తోంది. రవితేజ మొట్టమొదటిసారిగా సితార బ్యానర్ కోసం ఈ సినిమా చేయబోతున్నారని తెలుస్తోంది.