custom-ads
Home Cinema News Adipurush Day 2 Collections Worldwide Crosses 240 Crores Gross

Adipurush: ఆదిపురుష్ కలెక్షన్స్ వర్షం.. రెండు రోజుల్లో 240 కోట్లు

By NTV WebDesk
Adipurush: ఆదిపురుష్ కలెక్షన్స్ వర్షం.. రెండు రోజుల్లో 240 కోట్లు

Adipurush Day 2 Collections Worldwide: ప్రభాస్ హీరోగా కృతి సనన్ హీరోయిన్ గా తెరకెక్కి తాజాగా విడుదలైన చిత్రం ఆది పురుష్. ఈ సినిమాని బాలీవుడ్ డైరెక్టర్ ఓం రౌత్ వాల్మీకి రామాయణం ఆధారంగా చేసుకుని తెరకెక్కించారు. టీ సిరీస్ సంస్థతో కలిసి రెట్రో ఫైల్స్ సంస్థ ఈ సినిమాని సుమారు 550 కోట్ల రూపాయల బడ్జెట్ తో నిర్మించింది. ఇక ముందు నుంచి అనేకసార్లు వాయిదా పడుతూ వచ్చిన ఈ సినిమా ఎట్టకేలకు జూన్ 16వ తేదీన తెలుగు, తమిళ, కన్నడ, మలయాళ, హిందీ భాషల్లో రిలీజ్ అయింది. ఇక మొదటి రోజు 140 కోట్ల రూపాయల కలెక్షన్లు వసూలు చేసిన ఈ సినిమా రెండో రోజు కూడా భారీగా వసూళ్లు సాధించింది. రెండో రోజు దాదాపు 100 కోట్ల రూపాయల వరకు వసూలు చేసినట్లు సినిమా నిర్మాతలు అధికారికంగా ప్రకటించారు. నిజానికి మొదటి రోజు 140 కోట్ల రూపాయలు గ్రాస్ వసూలు చేయగా రెండో రోజు 100 కోట్ల రూపాయల గ్రాస్ తో కలిపి రెండు రోజులకు 240 కోట్ల రూపాయల గ్రాస్ కలెక్ట్ చేసినట్లు అధికారికంగా ప్రకటించారు.
Adipurush: వివాదాల నేపధ్యంలో ‘ఆదిపురుష్’లో మార్పులు.. టీం సంచలన నిర్ణయం
ముఖ్యంగా తెలుగు, హిందీ మార్కెట్స్ లో ఈ సినిమాకి మంచి వసూళ్లు వస్తున్నాయని తెలుస్తోంది. ఇక రెండో రోజు తెలుగు మార్కెట్లో ఈ సినిమాకు మంచి ఆసక్తికరమైన కలెక్షన్స్ వచ్చాయి. రాజమౌళి డైరెక్షన్లో తెరకెక్కిన ఆర్ఆర్ఆర్ సినిమా తర్వాత ఈ సినిమానే అత్యధిక వసూళ్లు సాధించిన సినిమాగా నిలిచింది. మొత్తం మీద రెండు రోజులకు గాను ఈ సినిమా 48 కోట్ల రూపాయల షేర్ రెండు తెలుగు రాష్ట్రాలలో సంపాదించగా 66 కోట్ల వరకు వరల్డ్ వైడ్ గా సంపాదించింది. తెలుగు రాష్ట్రాల రైట్స్ దాదాపు 185 కోట్ల వరకు పీపుల్స్ మీడియా ఫ్యాక్టరీ సంస్థ దక్కించుకుంది. యువి క్రియేషన్స్ సంస్థ ముందుగా ఈ సినిమాని తెలుగు రాష్ట్రాలలో రిలీజ్ చేయాలనుకుంది, కానీ చివరి నిమిషంలో పీపుల్స్ మీడియా ఫ్యాక్టరీ సంస్థ ఈ సినిమా హక్కులను టి సిరీస్ సంస్థ నుంచి యూవీ క్రియేషన్స్ పర్మిషన్ తో కొనుగోలు చేసింది. ఇక చూడాలి మరి ఈ ఆదిపురుష్ సినిమా లాంగ్ రన్ లో ఎంత వసూళ్లు రాబడుతుంది అనేది.

NTV తెలుగు  వాట్సాప్ ఛానల్ ని ఫాలో అవ్వండి

తాజావార్తలు

ట్రెండింగ్‌