Vijay-Rashmika: గీత గోవిందం సినిమాతో అభిమానుల మనసులను గెలుచుకున్నజంట విజయ్ దేవరకొండ- రష్మిక మందన్న. ఈ సినిమాలో వీరిద్దరి మధ్య రొమాన్స్ అయితే అప్పట్లో పెద్ద సంచలనాన్నే సృష్టించింది. ఈ చిత్రం తర్వాతే రష్మిక తన ఎంగేజ్ మెంట్ ను కూడా క్యాన్సిల్ చేసుకుంది. దీనికి కారణం విజయ్ దేవరకొండనే అని రూమర్స్ వచ్చాయి. ఇక గీత గోవిందం తరువాత డియర్ కామ్రేడ్ సినిమాతో మరింత హీట్ పెంచారు. అందులో కూడా లిప్ లాక్ తో ఇద్దరు అరాచకం సృష్టించారు. ఈ రెండు సినిమాలతో వీరిద్దరి మధ్య ఏదో నడుస్తోందన్న రూమర్స్ పెరిగిపోయాయి. ఎక్కడ చూసిన ఈ జంటనే కనిపించడంతో వీరిద్దరి మధ్య ప్రేమాయణం మొదలయిందని, త్వరలోనే ఈ జంట పెళ్లి చేసుకోబోతుందని పుకార్లు షికార్లు కూడా చేశాయి. అయితే తామిద్దరం మంచి స్నేహితులమే కానీ ప్రేమికులం కాదని వారు చెప్పుకొచ్చినా.. అందులో నిజం లేదని అంటున్నారు అభిమానులు.
ఇక ఇలాంటి రూమర్స్ ను అయితే విజయ్ పట్టించుకోడు కానీ, రష్మిక చాలా సీరియస్ గా తీసుకుంటుంది. సమయం దొరికినప్పుడల్లా సైలెంట్ గా సెటైర్లు వేసేస్తూ ఉంటుంది. తాజాగా ట్విట్టర్ లో ఒక మీడియా అకౌంట్ .. రష్మిక, విజయ్ ల గురించి ఒక పోస్ట్ పెట్టింది. ” విజయ్- రష్మిక డేటింగ్ చేస్తున్నట్లు వస్తున్న వార్తలు నిజమే. సీరియస్.. విజయ్ తన ఫేవరేట్ రింగ్ ను రష్మిక చేతికి పెట్టాడు. వారిద్దరూ ఒకే ఇంట్లో ఒకే రూమ్ లో కలిసి ఉంటున్నారు. మనం త్వరలోనే ఒక గ్రేట్ న్యూస్ ను వింటాం” అంటూ చెప్పుకొచ్చాడు. ఇక దీనికి రష్మిక బదులు ఇస్తూ.. ” అయ్యో ..అతిగా ఆలోచించకు బాబు” అంటూ కౌంటర్ వేసింది. ప్రస్తుతం ఈ ట్వీట్ నెట్టింట వైరల్ గా మారింది.
Aiyoooo.. don’t over think it babu.. 🤣❤️
— Rashmika Mandanna (@iamRashmika) April 6, 2023
