మెగా పవర్ స్టార్ రామ్ చరణ్ నటించిన మోస్ట్ అవేటెడ్ లేటెస్ట్ చిత్రం ‘పెద్ది’. దర్శకుడు బుచ్చిబాబు ఈ సినిమాను ఎంతో ప్రతిష్టాత్మకంగా రూపొందిస్తున్నారు. భారీ అంచనాలు ఉన్న ఈ మల్టీ స్పోర్ట్స్ డ్రామా నుంచి అందరూ ఎంతో ఆసక్తిగా ఎదురుచూస్తున్న ట్రైలర్ ఎట్టకేలకు ప్రేక్షకుల ముందుకు వచ్చేసింది. విడుదలైన క్షణం నుంచే ఈ ట్రైలర్ సోషల్ మీడియాను షేక్ చేస్తోంది. దర్శకుడు బుచ్చిబాబు టేకింగ్, రామ్ చరణ్ పవర్ఫుల్ పర్ఫార్మెన్స్ తో సోషల్ మీడియాలో సెన్సేషన్ క్రియేట్ చేస్తోంది. ముఖ్యంగా ఆటగాడిగా/కూలిగా అదరగొట్టాడు రామ్ చరణ్. ప్రస్తుతం ఈ ట్రైలర్ YouTube లో సరికొత్త రికార్డుల దిశగా దూసుకుపోతోంది.
యూట్యూబ్లో రికార్డుల మోత మోగిస్తున్న మెగా పవర్ స్టార్ రామ్ చరణ్ ‘పెద్ది’ ట్రైలర్ విడుదలైన 24 గంటలకి అన్ని భాషల్లో కలిపి ఏకంగా 101 మిలియన్లకు పైగా వ్యూస్ సాధించింది. తెలుగుతో పాటు హిందీలోనూ అదిరిపోయే రెస్పాన్స్ సొంతం చేసుకుంది. యూట్యూబ్లో 24 గంటల్లో అత్యధిక వ్యూస్ సాధించిన మొట్టమొదటి తెలుగు ట్రైలర్గా, యూట్యూబ్ మూవీస్ ట్రెండింగ్ చార్ట్లో నంబర్ #1 స్థానంలో దూసుకుపోతున్న ‘పెద్ది’ యూట్యూబ్ వేదికగా ప్రస్తుతం నెట్టింట అత్యధిక బజ్ క్రియేట్ చేస్తున్న ‘మోస్ట్ హైప్డ్ వీడియో’గా రికార్డ్ క్రియేట్ చేసింది. పాన్ ఇండియా స్థాయిలో ఈ సినిమా రిలీజ్ కానుండగా, ట్రైలర్ రెస్పాన్స్ చూస్తే సినిమాపై దేశవ్యాప్తంగా ఏ రేంజ్ అంచనాలు ఉన్నాయో అర్థం చేసుకోవచ్చు. ట్రైలర్ ఇచ్చిన హైప్ కు ‘పెద్దిగాడు’ బాక్స్ ఆఫీస్ ని షేక్ చేయడం గ్యారెంటీ అని ట్రేడ్ వర్గాలు లెక్కలు వేస్తున్నాయి. ఇక ఆస్కార్ విజేత ఏఆర్ రెహ్మాన్ సంగీతం అందిస్తున్న ఈ చిత్రంలో రామ్ చరణ్ సరసన బాలీవుడ్ బ్యూటీ జాన్వి కపూర్ హీరోయిన్ గా నటిస్తోంది. ఈ భారీ చిత్రం జూన్ 4న ప్రపంచవ్యాప్తంగా థియేటర్లలో గ్రాండ్ గా విడుదల కాబోతోంది. మరి ట్రైలర్ క్రియేట్ చేసిన ఈ హైప్ తో సినిమా బాక్స్ ఆఫీస్ వద్ద ఎలాంటి వసూళ్ల వర్షం కురిపిస్తుందో చూడాలి.