Punith Rajkumar: కన్నడ పవర్ స్టార్ పునీత్ రాజ్ కుమార్ ఈ లోకాన్ని విడిచివెళ్లిపోయినా ఆయన సినిమాలతో ప్రేక్షకుల మనస్సులో నిరంతరం కొలువై ఉంటాడు. ఇక పునీత్ నటించిన ఆఖరి చిత్రం గంధద గుడి అని ప్రత్యేకంగా చెప్పాల్సిన అవసరం లేదు. ఇటీవలే రిలీజ్ అయిన ఈ సినిమా కన్నడ ప్రేక్షకులను విశేషంగా ఆకట్టుకొంది. ఇక తాజాగా ఈ సినిమా గురించి చెప్తూ పునీత్ భార్య అశ్విని ఎమోషనల్ అయ్యారు. ఈ సినిమాను తప్పకుండా చూడాలని అభిమానులను లేఖ ద్వారా కోరారు.
“గంధద గుడి.. పునీత్ కలల చిత్రం.. ఆయన ఎంతో ఇష్టపడి చేసిన సినిమా.. కన్నడ ప్రజలందరూ ఈ సినిమాను చూడాలని, ముఖ్యంగా ఈ సినిమాను చిన్నపిల్లలు చూడాలని కోరుకున్నారు. మన పిల్లల కోసమైనా అడవులను కాపాడుకుందాం.. వారికి కర్ణాటక అందాలను చూపించండి” అని చెప్పుకొచ్చింది. ప్రస్తుతం ఆమె వ్యాఖ్యలు నెట్టింట వైరల్ గా మారాయి. మరి ఈ సినిమా ఎలాంటి కలక్షన్స్ తో ముగుస్తుందో చూడాలి.
