Power Star VS Young Tiger: ఆయన క్లాస్.. ఈయన మాస్.. డైరెక్టర్లకు దండం పెట్టినా తప్పులేదురా

Power Star VS Young Tiger: సాధారణంగా అభిమానులు.. తమ హీరోలు ఇలా ఉండాలి అని అంచనాలు వేసుకుంటూ ఉంటారు. మాస్ గా, క్లాస్ గా ఉండాలని డైరెక్టర్లకు సలహాలు ఇస్తూ ఉంటారు. ఇక ఈ మధ్య హీరోల ఫ్యాన్సే డైరెక్టర్లుగా మారుతున్నారు. ప్రస్తుతం హీరోల ఫస్ట్ లుక్ పోస్టర్లతోనే డైరెక్టర్లు అంచనాలను పెంచేస్తున్నారు. ఇక గత వారం నుంచి ఇద్దరు హీరోల ఫస్ట్ లుక్ గురించి, టైటిల్స్ గురించే నెట్టింట చర్చ జరుగుతుంది. వారే పవన్ కళ్యాణ్, ఎన్టీఆర్. ఈ స్టార్ హీరోల సినిమాల టైటిల్ పోస్టర్స్ రిలీజ్ అయ్యి ఇండస్ట్రీని షేక్ చేస్తున్నాయి. పవర్ స్టార్ పవన్ కళ్యాణ్.. ఒకపక్క రాజకీయాలు.. ఇంకోపక్క సినిమాలతో బిజీగా ఉన్న విషయం తెల్సిందే. ఇప్పటికే పవన్ చేతిలో నాలుగు సినిమాలు ఉన్నాయి. హరిహర వీరమల్లు, ఉస్తాద్ భగత్ సింగ్, OG, బ్రో.. ఈ సినిమాలు అన్నింటిని పవన్ శరవేగంగా పూర్తి చేయడానికి రెడీ అయిపోయాడు. ఇక నిన్ననే పవన్- సాయి ధరమ్ తేజ్ మల్టీస్టారర్ గా తెరకెక్కిన సినిమా టైటిల్ ను రివీల్ చేశారు. బ్రో అనే క్లాస్ టైటిల్ తో పవన్ క్లాస్ గాడ్ గా ప్రత్యక్షమయ్యాడు. ఈ చిత్రంలో పవన్ టైమ్ గా కనిపించనున్నాడు. ఇక కాల భైరవుడు వెనుక ఉండగా.. పై నుంచి దిగివచ్చిన స్టైలిష్ గాడ్ గా పవన్ ను చూపించాడు డైరెక్టర్ సముతిర ఖని. పవన్ లుక్ చూసి అభిమానులు ఫిదా అయిపోయారు. ఉస్తాద్ లో పవన్ మాస్ లుక్ ను చూసి క్లాస్ గా ఎప్పుడు కనిపిస్తాడా..? అనుకొనేలోపు బ్రో లో అల్ట్రా స్టైలిష్ లుక్ లో ఫిదా చేసేశాడు.

Bichhagadu 2: ఈ బిచ్చగాడు హిట్ కొట్టేశాడమ్మా..?

ఇక పవన్ క్లాస్ లుక్ వచ్చి ఒక్కరోజు కూడా కాలేదు.. ఎన్టీఆర్ మాస్ అవతార్ లో దూసుకొచ్చేశాడు. ఆర్ఆర్ఆర్ సినిమా తరువాత ఎన్టీఆర్ నటిస్తున్న చిత్రం దేవర. కొరటాల శివ దర్శకత్వం వహిస్తున్న ఈ చిత్రంలో ఎన్టీఆర్ సముద్ర వీరుడుగా కనిపించనున్నాడు. ఇక రేపు ఎన్టీఆర్ బర్త్ డేను పురస్కరించుకొని కొద్దిసేపటి క్రితమే దేవర ఫస్ట్ లుక్ ను మేకర్స్ రిలీజ్ చేశారు. ఎగిసిపడే అలల మధ్య.. రక్తంతో నిండిన శవాల మధ్య చేతిల ఈటె పట్టుకొని భయానికే మీనింగ్ తెలియనివాడిలా కనిపిస్తున్నాడు. ఇప్పటివరకు వచ్చిన ఎన్టీఆర్ లుక్స్ ఒక ఎత్తు.. ఇది ఒక్కటే ఒక ఎత్తు అని చెప్పొచ్చు. అభిమానులు చొక్కాలు చింపుకొని థియేటర్ లో రచ్చ చేయడం ఖాయమని తెలుస్తోంది. ఎన్టీఆర్ ను జనతా గ్యారేజ్ లో క్లాస్ గా చూపించిన కొరటాల.. దేవర లో ఇంత ఊర మాస్ గా చూపిస్తాడని అభిమానులు కూడా అనుకోని ఉండరు. ఇక ఈ రెండు పోస్టర్స్.. ట్విట్టర్ ను షేక్ చేస్తున్నాయి. ఆయన క్లాస్.. ఈయన మాస్.. అభిమానుల కోరికకు తగట్టు డైరెక్టర్లు వారి హీరోలను చూపించడంతో.. డైరెక్టర్లకు దండం పెట్టినా తప్పులేదురా అని కామెంట్స్ పెడుతున్నారు. మరి ఫస్ట్ లుక్ తోనే అదరగొట్టిన ఈ స్టార్లు సినిమాలో ఎలా అదరగొడతారో చూడాలి.