PawanKalyanOnAHA: ఒప్పేసుకున్నాం.. మీరు ఫ్యాన్స్ కాదు ఆయన భక్తులే

PawanKalyanOnAHA: ఎన్నాళ్ళో వేచిన ఉదయం.. ఈరోజే ఎదురయ్యింది.. అని పవన్ అభిమానులు ఓ పాట పాడేసుకుంటున్నారు. నందమూరి బాలకృష్ణ హోస్ట్ గా వ్యవహరిస్తున్న అన్ స్టాపబుల్ షోకు మొట్ట మొదటిసారి పవన్ కళ్యాణ్ గెస్ట్ గా వచ్చిన విషయం తెల్సిందే. ఎప్పుడో షూటింగ్ జరుపుకున్న ఈ ఎపిసోడ్ ఎప్పుడెప్పుడు స్ట్రీమ్ అవుతుందా అని కళ్లు కాయలు కాచేలా ఎదురుచూసారు అభిమానులు. ఇక ఆ శుభ ముహూర్తం వచ్చేసింది. కొద్దిసేపటి క్రితమే ఆహాలో పవర్ స్ట్రోమ్ వచ్చింది. ప్రభాస్ ఎపిసోడ్ లా యాప్ క్రాష్ కాకుండా ముందు జాగ్రత్తలు తీసుకోవడంతో అభిమానులందరూ ప్రశాంతంగా ఎపిసోడ్ ను వీక్షిస్తున్నారు. ఇక పవన్ నవ్వులు, బాలయ్య జోకులు.. అభిమానుల కేరింతలు ఒక్కటని ఏం చెప్పాలి.. పవన్ ఫ్యాన్స్ అయితే పండుగ చేసేసుకుంటున్నారు.

అసలు పవన్ పేరు వినిపిస్తేనే వారు ఊగిపోతారు.. అలాంటింది.. మొట్ట మొదటిసారి ఓటిటీలో దర్శనమిస్తుంటే ఆగుతారో.. సోషల్ మీడియాలో ట్రెండ్ చేసి పడేశారు. ప్రస్తుతం ఎక్కడ చూసినా పవన్ నామధేయంతో సోషల్ మీడియా ప్లాట్ ఫార్మ్స్ మారుమ్రోగిపోతున్నాయి. ఇక ఈ అభిమానం ఎక్కడి వరకు వచ్చిందంటే.. ఓటిటీలో ఇప్పటివరకు ఎవరు క్రియేట్ చేయని రికార్డును పవన్ ఫ్యాన్స్ క్రియేట్ చేశారు. 5 నిమిషాల్లో హయ్యెస్ట్ యాప్ లాంచెస్ ను అచీవ్ చేసేశారు. ఇప్పటివరకు ఈ రికార్డును బద్దలు కొట్టింది లేదు. దీంతో ఒప్పేసుకున్నాం.. మీరు ఫ్యాన్క్స్ కాదు ఆయనకు భక్తులే అని నెటిజన్స్ చెప్పుకొస్తున్నారు. మరి ముందు ముందు ఇంకెలాంటి రికార్డ్స్ ను పవన్ ఫ్యాన్స్ బద్దలు కొడతారో చూడాలి.