OG : సెన్సార్ పనులు ముగించుకున్న ‘ఓజి’

టాలీవుడ్‌లో ఈ ఏడాది అత్యంత ఆసక్తికరంగా ఎదురుచూస్తున్న సినిమాల్లో ఓజి ఒకటి. భారీ యాక్షన్ థ్రిల్లర్‌గా రూపొందుతున్న ఈ సినిమా, పవర్ స్టార్ పవన్ కళ్యాణ్ కెరీర్‌లో మైలురాయిగా నిలవబోతుందని అభిమానులు కచ్చితమైన నమ్మకంతో ఉన్నారు. సుజిత్ దర్శకత్వంలో తెరకెక్కుతున్న ఈ మూవీలో.. పవన్ స్క్రీన్‌పై చూపించే ఎనర్జీ, స్టైల్, యాక్షన్ మాస్ ఆడియన్స్‌ను మైమరిపించనుందని మేకర్స్ చెబుతున్నారు. తాజాగా ఈ సినిమా సెన్సార్ పనులు పూర్తి చేసుకుంది.

Also Read : Sundarakanda : రొమాంటిక్‌ కామెడీ ‘సుందరకాండ’ ఓటీటీ స్ట్రీమింగ్ డేట్ ఫిక్స్!

సెన్సార్ బోర్డు నుంచి ఓజికి U/A సర్టిఫికేట్ లభించింది. యాక్షన్, ఎమోషన్ కలగలసిన ఈ చిత్రంలో పవన్ కొత్త మాసివ్ అవతారం కనిపించబోతుందని యూనిట్ ధీమా వ్యక్తం చేస్తోంది. ఇప్పటికే విడుదలైన టీజర్లు, పాటలు సినిమాపై అంచనాలను అమాంతం పెంచేశాయి. ఈ చిత్రంలో ప్రియాంక మోహన్ హీరోయిన్‌గా నటిస్తుండగా, బాలీవుడ్ యాక్టర్ ఇమ్రాన్ హష్మీ శక్తివంతమైన విలన్ పాత్రలో కనిపించబోతున్నారు. థమన్ అందిస్తున్న సంగీతం మరో హైలైట్‌గా నిలుస్తోంది. టెక్నికల్ విలువల పరంగా, యాక్షన్ సీక్వెన్స్‌ల పరంగా ఈ చిత్రం పాన్‌ఇండియా స్థాయిలో టాప్ క్లాస్ అనిపించేలా తెరకెక్కించారట. డివివి ఎంటర్‌టైన్‌మెంట్స్ ప్రతిష్టాత్మకంగా నిర్మిస్తున్న ఈ చిత్రం సెప్టెంబర్ 25న థియేటర్లలో సందడి చేయనుంది. పవన్ కళ్యాణ్ అభిమానులకే కాకుండా, యాక్షన్ సినిమాల అభిమానులందరికీ ఓజి ఒక పవర్ ప్యాక్డ్ ఎంటర్‌టైనర్ అవుతుందని సినిమా యూనిట్ నమ్ముతోంది.