Prabhas : మరోసారి ప్రభాస్ తో థమన్!? ప్యాన్ ఇండియా ప్రాజెక్ట్ ల మధ్యలో చిన్న సినిమా..
ప్రభాస్ ‘రాధేశ్యామ్’ సినిమాకు ఫుల్ ఫామ్ లో ఉన్న సంగీత దర్శకుడు తమన్ బ్యాక్ గ్రౌండ్ మ్యూజిక్ అందించాడు. బాలకృష్ణ ‘అఖండ’కు తమన్ నేపథ్యసంగీతం ఎంతో ప్లస్ అయింది. దాంతో ‘రాధేశ్యామ్’ కి తమన్ ని తీసుకున్నారు. అయితే సినిమా డిజాస్టర్ అయింది. అందరు హీరోలతో హిట్స్ ఉన్న తమన్ కి ఇది నిరాశ కలిగించే అంశమే. ఇప్పుడు ప్రభాస్ తో మరోసారి పని చేసే అవకాశం లభించింది. దర్శకుడు మారుతీతో ప్రభాస్ తో తీయబోయే హారర్ కామెడీ ఫిల్మ్ కి తమన్ నే సంగీత దర్శకుడుగా ఎంపిక చేసుకున్నట్లు వినిపిస్తోంది. నిజానికి ఈ తరహా హారర్ కామెడీ చిత్రాలకు బ్యాక్ గ్రౌండ్ మ్యూజిక్ ఎంతో ఇంపార్టెంట్. అందులో నిష్ణాతుడైన తమన్ ని అందుకే ఎంపిక చేసినట్లు సమాచారం.
తమన్ కూడా ఈ అవకాశాన్ని ఎట్టి పరిస్థితుల్లోనూ సద్వినియోగం చేసుకోవాలని భావిస్తున్నాడట. ఇప్పటికే మ్యూజిక్ సిట్టింగ్లు కూడా ప్రారంభమయ్యాయట. ఈ సినిమా షూటింగ్ ఎక్కువగా ఓ థియేటర్ నేపథ్యంలో జరగనుంది. అందుకోసం భారీ థియేటర్ సెట్ వేస్తున్నారు. ఆగస్టులో లాంఛనంగా ప్రారంభించి రెండు షెడ్యూల్స్లో పూర్తి చేయాలన్నది ప్లాన్. ప్రభాస్ కూడా దానికి తగ్గట్లే 50 రోజుల కాల్షీట్స్ కేటాయిస్తున్నాడట. తన స్నేహితులైన యువీ క్రియేషన్స్ కోసమే ఈ ప్రాజెక్ట్ ను లైనప్ లో పెట్టాడు ప్రభాస్. ‘రాధేశ్యామ్’తో వచ్చిన నష్టాలను ఈ సినిమాతో పూడ్చాలని ప్రభాస్ ఆలోచన. ఈ సినిమా టైటిల్ ను ప్రారంభం రోజున ప్రకటిస్తారట. అయితే ఇది ప్యాన్ ఇండియా సినిమా కాదు. తెలుగులో మాత్రమే తెరకెక్కనున్నట్లు సమాచారం. ప్రస్తుతం ప్రభాస్ ప్రశాంత్ నీల్తో ‘సాలార్’, ఓం ప్రకాశ్ రౌత్తో ‘ఆదిపురుష్’, నాగ్ అశ్విన్తో ‘ప్రాజెక్ట్ కె’ వంటి ప్యాన్ ఇండియా సినిమాలు చేస్తున్నాడు. వీటి మధ్యలో క్విక్ గా తెరకెక్కి వెంటనే రిలీజ్ కాబోయే ఈ సినిమా ఆడియన్స్ ను ఎలా ఆకట్టుకుంటుందో చూడాలి.