Venkatesh- Nithin: వెంకీమామతో మహానటి-నితిన్?

Nithin to produce a Movie with Venkatesh as lead: చాలామంది తెలుగు హీరోలకు సొంత బ్యానర్లు ఉన్నాయి. అలా సొంత బ్యానర్ ఉన్న హీరోలలో నితిన్ కూడా ఒకరు. అయితే ఎక్కువగా నిర్మాణ బాధ్యతలు నితిన్ సోదరి అలాగే నితిన్ తండ్రి చూసుకుంటూ ఉంటారు. కానీ ఒక కథ నచ్చడంతో ఇప్పుడు మొట్టమొదటిసారిగా నితిన్ నిర్మాతగా అవతారం ఎత్తబోతున్నారు. ఇప్పటికే హీరోగా పలు సినిమాలు చేస్తున్నాడు నితిన్. అయితే తమిళ్ డైరెక్టర్ సంతోష్ చెప్పిన కథ నచ్చడంతో ఆయన ఒక సినిమా నిర్మించేందుకు సిద్ధమయ్యాడు. ఒక నిజ జీవిత ఘటన ఆధారంగా రాసుకున్న స్క్రిప్ట్ సంతోష్ నితిన్ కి నెరేట్ చేయగా అది ఆయనకు బాగా నచ్చినట్లుగా తెలుస్తోంది. ఈ సినిమాలో హీరోగా నటించమని విక్టరీ వెంకటేష్ ని నితిన్ అండ్ కో అప్రోచ్ అయ్యారని వెంకటేష్ కథ విని ఇంకా గ్రీన్ సిగ్నల్ ఇవ్వాల్సి ఉందని తెలుస్తోంది.

Devara: దేవర డిస్ట్రిబ్యూటర్లకు దుబాయ్ లో పార్టీ.. నాగవంశీనా మజాకా?

ఇక ఇన్వెస్టిగేటివ్ థ్రిల్లర్గా తెరకెక్కబోతున్న ఈ సినిమాలో వెంకటేష్ ఒక పోలీస్ అధికారి పాత్రలో కనిపించబోతున్నాడు. అలాగే ఇప్పటికే కీర్తి సురేష్ ఈ సినిమా సైన్ చేసినట్లుగా తెలుస్తోంది. ఇక ఈ సినిమాలో నితిన్ కూడా ఒక చిన్నపాటి అతిథి పాత్రలో కనిపించబోతున్నాడు. లాయర్ పాత్రలో ఆయన కనిపించబోతున్నాడని తెలుస్తోంది. తమిళ నటుడు నరేన్ ఈ సినిమాలోకి కీలక పాత్రలో కనిపించబోతున్నారు. ఈ మధ్యనే సంతోష్ అతని టీంతో కలిసి టెస్ట్ షూట్ చేశారు. అంతా ఓకే అయింది. వెంకటేష్ నుంచి గ్రీన్ సిగ్నల్ రాగానే సినిమా పట్టాలెక్కే అవకాశం కనిపిస్తుంది. నితిన్ తో పాటు రాజకుమార్ ఆకెళ్ళ ఈ సినిమాని నిర్మించబోతున్నారు. ఇక దీనికి సంబంధించిన అధికారిక ప్రకటన కూడా త్వరలోనే వెలువడనుంది..