Nara Rohith: బాలా మామకు సపోర్ట్ గా రంగంలోకి దిగిన అల్లుడు..

Nara Rohith:ప్రస్తుతం ఏపీలో రాజకీయాలు ఎంతలా హీటెక్కుతున్నాయో ప్రత్యేకంగా చెప్పాల్సిన అవసరం లేదు. స్కిల్ డెవలప్మెంట్ స్కామ్ లో నారా చంద్రబాబు నాయుడును అరెస్ట్ చేసి.. 14 రోజులు రిమాండ్ కు తరలించిన విషయం తెల్సిందే. ఇక ఈ అరెస్ట్ ను ఖండిస్తూ నందమూరి బాలకృష్ణ ప్రెస్ మీట్ ను పెట్టాడు. ఈ ప్రెస్ మీట్ లో జగన్ గురించి, ఏపీ గురించి తనదైన శైలిలో చెప్పుకొచ్చాడు. అంతేకాకుండా జగన్ ను ఉద్దేశించి ఒక శ్లోకం కూడా వినిపించాడు. “లక్ష కోట్ల భక్షక.. అవినీతి భక్షక.. పక్ష పాత రూపక.. మహకంత్రి మూర్ఖ..జగమెరిగిన జగన్నాటక..రాష్ట్రానికి పట్టిన దరిద్రపు జాతక
రావణ పాలక..కులగజ్జి పాలక.. జన,ధన,మాన చోరక..” అంటూ శ్లోకం చదివాడు. ప్రస్తుతం ఈ శ్లోకం యొక్క వీడియో నెట్టింట వైరల్ గా మారింది. ఇక టీడీపీ నేతలు, నందమూరి అభిమానులు ఈ బాలకృష్ణకు సపోర్ట్ గా నిలుస్తున్నారు. తాజాగా బాలా మామకు సపోర్ట్ గా రంగంలకి దిగాడు.. నారా మరో వారసుడు.

Nayanthara: జవాన్ ఎఫెక్ట్.. అంత పెంచితే తట్టుకొనేది ఎలా బంగారు.. ?

నారా వారసుడు అంటే నారా లోకేష్ అన్న విషయం అందరికి తెల్సిందే.. లోకేష్ కాకుండా నారా వారి కుటుంబంలో ఒక హీరో ఉన్నాడు. అతనే నారా రోహిత్. చంద్రబాబు నాయుడు తమ్ముడు కొడుకు.. లోకేష్కు తమ్ముడు. బాణం సినిమాతో తెలుగు ప్రేక్షకుల ముందుకు హీరోగా వచ్చాడు. ఈ సినిమా తరువాత ఒకటి రెండు హిట్లు అందుకున్న నారా రోహిత్ ప్రస్తుతం కొంత గ్యాప్ తీసుకొని ఈ మధ్యనే ప్రతినిధి 2 సినిమాతో రానున్నాడు. ఇక ఈ నేపథ్యంలోనే పెద్దనాన్న అరెస్ట్ ను ఖండిస్తూ టీడీపీ కి అండగా నిలబడ్డాడు. బాలకృష్ణ చెప్పిన శ్లోకం ను ట్వీట్ చేస్తూ బాలామామ సూపర్ అంటూ రాసుకొచ్చాడు. ప్రస్తుతం ఈ ట్వీట్ నెట్టింట వైరల్ గా మారింది. బాలా మామకు సపోర్ట్ గా అల్లుడు దిగాడు అంటూ కామెంట్స్ పెడుతున్నారు.

https://x.com/IamRohithNara/status/1701559009747009683?s=20