Nani: పవన్ డైరెక్టర్ తో నాని.. ఇదిక్కడి కాంబోరా మావా.. ?

Nani: న్యాచురల్ స్టార్ నాని కోసం టాలీవుడ్ కుర్ర డైరెక్టర్స్ క్యూ కడుతున్నారు. దసరా సినిమాతో మాస్ ను చూపించిన నాని.. హాయ్ నాన్నతో క్లాస్ ను చూపించి అభిమానులను అలరించాడు. బ్యాక్ టూ బ్యాక్ హిట్లు అందుకోవడంతో.. నాని లైనప్ రోజురోజుకు పెరుగుతుంది. ప్రస్తుతం నాని.. సరిపోదా శనివారం సినిమాలో నటిస్తున్నాడు. వివేక్ ఆత్రేయ దర్శకత్వంలో తెరకెక్కుతున్న ఈ చిత్రంలో ప్రియాంక మోహన్ హీరోయిన్ గా నటిస్తోంది. శరవేగంగా షూటింగ్ జరుపుకుంటున్న ఈ చిత్రంపై అభిమానులు భారీ అంచనాలు పెట్టుకున్నారు. అందుకు కారణం.. వివేక్ ఆత్రేయ- నాని కాంబోలో ఇప్పటికే అంటే సుందరానికీ సినిమా వచ్చింది. ఈ సినిమా కమర్షియల్ హిట్ గా నిలవకపోయినా విమర్శలు ప్రశంసలను అందుకుంది. దీంతో ఈసారి ఈ కాంబో ఎలాగైనా హిట్ కొట్టాలని గట్టిగా ప్రయత్నిస్తున్నారు.

ఇక ఈ చిత్రం తరువాత నాని.. బలగం వేణుతో ఒక సినిమా చేస్తున్నట్లు వార్తలు వచ్చాయి. అయితే అది నిజమో కాదో ఇంకా తెలియదు. ఇంకోపక్క దసరా డైరెక్టర్ శ్రీకాంత్ ఓదెల.. నానితో మరో సినిమా చేయడానికి ఆరాటపడుతున్నాడు. ఇక ఇవే ఇంకా ఫైనల్ కాలేదు. ఒక కొత్త కాంబో ఫైనల్ అయ్యినట్లు వార్తలు వినిపిస్తున్నాయి. పవన్ తో OG ని తెరకెక్కిస్తున్న కుర్ర డైరెక్టర్ సుజీత్.. నానితో ఒక సినిమా చేయడానికి ఫిక్స్ అయ్యినట్లు తెలుస్తోంది. అది కూడా OG నిర్మాత డీవీవీ దానయ్య నిర్మిస్తుండడం విశేషం. OG పూర్తయ్యాకా ఈ ప్రాజెక్ట్ పట్టాలెక్కుతోందని తెలుస్తోంది. ఆలోపు నాని.. సరిపోదా శనివారం ను ఫినిష్ చేయనున్నాడట. సుజీత్ టేకింగ్ కు నాని న్యాచురల్ యాక్టింగ్ నెక్స్ట్ లెవెల్ అని చెప్పాలి. మరి ఈ కాంబో ఎలాంటి రికార్డులు సృష్టిస్తుందో చూడాలి.