Motion Poster: డిఫరెంట్ గా ‘విక్కీ: ది రాక్ స్టార్’ ఫస్ట్ లుక్!

గతంలో ఎప్పుడూ టచ్ చేయని వైవిద్యభరితమైన కథాంశానికి, హై ప్రొడక్షన్ వాల్యూస్ జోడించి ‘విక్కీ: ది రాక్ స్టార్’ అనే పేరుతో డిఫరెంట్ మూవీని తెరకెక్కిస్తున్నారు డైరెక్టర్ సి. ఎస్ గంటా. వర్దిని నూతలపాటి సమర్పణలో ఈ చిత్రాన్ని లెఫ్టినెంట్ శ్రీనివాస్ నూతలపాటి నిర్మిస్తున్నారు. విక్రమ్, అమృత చౌదరి ప్రధాన పాత్రలు పోషిస్తున్న ఈ సినిమా షూటింగ్ ఇప్పటికే పూర్తి చేసుకుని ప్రస్తుతం పోస్ట్ ప్రొడక్షన్ వర్క్ జరుపుకుంటోంది. ఈ నేపథ్యంలోనే ‘విక్కీ: ది రాక్ స్టార్’ ఫస్ట్ లుక్ పోస్టర్, మోషన్ పోస్టర్ వీడియోను రిలీజ్ చేసి సినిమాపై ఆసక్తి రెట్టింపు చేశారు మేకర్స్.

నేల పై సాగు చేసే రైతు ఆకాశం వైపుకి , ఆకాశమే హద్దు గా భావించే యువత నేల వైపుకి , ఒక వైపు నాగలితో రైతన్న, మరో వైపు గిటార్ తో ‘విక్కీ : ది రాక్ స్టార్’ రైతు కాలికి ముద్దు పెడుతూ ఉన్న ఈ పోస్టర్ చాలా ఆకర్షణీయంగా ఉంది. ‘నీ కాళ్ళకే ముద్దులె పెట్టనా ఫార్మర్’ అంటూ బాక్ గ్రాండ్ లో వస్తున్న లిరిక్ హృదయానికి హత్తుకునేలా ఉంది. ఈ తరం యువతరాన్ని దృష్టిలో పెట్టుకుని రూపొందించిన ఈ మూవీ రిలీజ్ డేట్ ను త్వరలో ప్రకటిస్తామని దర్శక నిర్మాతలు చెబుతున్నారు. ఈ చిత్రానికి సునీల్ కశ్యప్ సంగీతాన్ని అందించారు.