Taraka Ratna: తారక రత్న భౌతికకాయానికి నివాళులు అర్పించిన కొడాలి నాని…

23 రోజుల పాటు మృత్యువుతో పోరాడిన నందమూరి తారకరత్న, శనివారం తుది శ్వాస విడిచారు. మహా శివరాత్రి పండగ రోజే తారకరత్న శివైక్యం అయిన వార్త బయటకి వచ్చింది. నందమూరి అభిమానులు, సినీ రాజకీయ ప్రముఖులు తారకరత్న అకాల మృతికి సంతాపం తెలియజేస్తున్నారు. నందమూరి కుటుంబానికి, హరికృష్ణకి, ఎన్టీఆర్ కి ఒకప్పుడు అత్యంత సన్నిహితుడు అయిన మినిస్టర్ కొడాలి నాని, తారక రత్న భౌతికకాయానికి నివాళులు అర్పించడానికి తారకరత్న ఇంటికి వెళ్లారు.

రాజకీయంగా ప్రత్యర్ధులు అయినా నందమూరి కుటుంబంలో ఎలాంటి అనివార్య సంఘటనలు జరిగినా కొడాలి నాని వెంటనే హాజరవుతూ ఉంటారు. గతంలో హరికృష్ణ మరణించిన సమయంలో కూడా కొడాలి నాని, అంత్యక్రియలు పూర్తయ్యే వరకూ అక్కడే ఉన్నారు. ఇప్పుడు కూడా తారకరత్న భౌతికకాయానికి నివాళులు అర్పించడానికి వచ్చిన కొడాలి నాని, అప్పటికే తారకరత్న ఇంట్లో ఉన్న వైసీపీ ఎంపీ విజయ సాయి రెడ్డితో మాట్లాడారు.

Read Also: Taraka Ratna: తారక రత్న అసలు పేరు ‘ఓబులేసు’ అని మీకు తెలుసా?