Manoj Bajpayee: రామ్ గోపాల్ వర్మ నన్ను మోసం చేశాడు.. ‘ది ఫ్యామిలీ మ్యాన్ హీరో’ సంచలన వ్యాఖ్యలు

Manoj Bajpayee: వివాదాస్పద దర్శకుడు రామ్ గోపాల్ వర్మ తనను మోసం చేశాడని బాలీవుడ్ నటుడు మనోజ్ బాజ్ పాయ్ ఆరోపించాడు. తనను హీరోగా చేస్తానని చెప్పి సెకండ్ రోల్ ఇచ్చి అన్యాయం చేశాడని చెప్పుకొచ్చాడు. ఇప్పుడంటే.. వర్మ.. చెత్తచెత్త సినిమాలు తీస్తున్నాడు కానీ, ఒకప్పుడు వర్మ వేరు.. ఆయన తీసిన సినిమాలు వేరు. గ్యాంగ్ స్టర్, మాఫియా, దెయ్యాల సినిమాలు తీయాలంటే వర్మ పేరే చెప్పుకొనేవారు. ఇక వర్మ తీసిన మంచి చిత్రాల్లో సత్య ఒకటి. జెడి చక్రవర్తి, మనోజ్ బాజ్ పాయ్, ఊర్మిళ మండోద్కర్ ప్రధాన పాత్రల్లో తెరకెక్కిన ఈ సినిమా భారీ విజయాన్ని అందుకుంది. ఇక ఈ సినిమాలో సెకండ్ హీరోగా చేసిన మనోజ్ బాజ్ పాయ్ కు మంచి గుర్తింపే లభించింది. అయితే మొదట మనోజ్ ను కలిసినప్పుడు వర్మ హీరోగా అనుకున్నాడట.. ఆ విషయాన్నీ అయన ఇటీవల ఒక ఇంటర్వ్యూలో చెప్పుకొచ్చాడు.

Prabhas: మాకు ఆ లుంగీ లుక్కే కావాలి..

” సత్య సినిమాలో పరేష్ రావల్ గ్యాంగ్ లో మెయిన్ రోల్ కోసం ఒకరిని వెతుకుతున్నారు అని తెలిసి వెళ్ళాను. వర్మను కలిసినప్పుడు ఆయన నన్ను.. అంతకుముందు ఏఏ సినిమాలు చేసావ్ అని అడిగాడు. నేను మహేష్ భట్ సినిమాలో ఒక కీలక పాత్ర చేశాను.. ఆ తరువాత బందిత్ క్వీన్ చేశాను అని చెప్పగానే ఆయన ముఖం వెలిగిపోయింది.బందిత్ క్వీన్ అంటే వర్మకు చాలా ఇష్టమట. ఆ సినిమాలోని నా పాత్ర గురించి చెప్పగానే అదినువ్వేనా .. బయట చాలా చిన్నవాడిగా కనిపిస్తున్నావు అని అడిగారు. ఆ తరువాత నీకోసమే నేను 5 ఏళ్లుగా ఎదురుచూస్తున్నాను.. నువ్వే నా హీరో అని చెప్పి.. మరే సినిమా ఒప్పుకోవద్దని అన్నాడు. అప్పటికే నేను దౌడ్ అనే సినిమా మధ్యలో ఉన్నాను. దానిని పూర్తిచేసి వర్మ పిలుపు కోసం ఎదురుచూస్తున్నాను. ఒకరోజు వర్మ ఫోన్ చేసి.. నేను సినిమాలో సెకండ్ హీరో అని చెప్పాడు. నా హృదయం ముక్కలైంది. నన్ను వర్మ మోసం చేశాడు.. హీరో అని చెప్పి సెకండ్ రోల్ అంటకట్టాడు అని కోపం వచ్చి ఆయన దగ్గరకు వెళ్లి అడిగేశాను . ఇక వర్మ.. నన్ను కూర్చోపెట్టి.. హీరోలు ఎవరైనా దొరుకుతారు.. కానీ బికూ మాత్రే పాత్రకు మాత్రం ఒక గొప్ప వ్యక్తి కావాలి చెప్పాడు. ఇక ఆ తరువాత షూటింగ్ లో కానీ, సినిమా రిలీజ్ అయ్యాకా కానీ ఆ పాత్రకు చాలా ప్రశంసలు వచ్చాయని ” ఆయన తెలిపారు. సత్య సినిమా తరువాతే మనోజ్ బాజ్ పాయ్ సినీ కెరీర్ మలుపు తిరిగింది. ఇకపోతే ప్రస్తుతం ఆయన ది ఫ్యామిలీ మ్యాన్ 3 లో నటిస్తున్నాడు.